ṬÂÛMEICHHERCHHI RAMHUAI HNATHAWH NGE THIL DANG!!?

ṬAUMEICHHERCHHI RAMHUAI HNATHAWH NGE THIL DANG!?

Pi Pu te'n Thlang an rawn tlak hma ata tawh Ramhuai (Rammi) hian an nunah thuk takin zung a kaih tlat mai a.
Thing lian bik tak te, Lungpui lian bik tak te, Lui leh Tlang Kham danglam bik riau leh Luite a hnar aṭanga thui lote luang chhuaka, a relh zawmna hriat mang lohva a mawng lam awm miah lo (Sih) te hi Huai enge maw takin a chen chilh nia rinna lian tak an neih avangin, an ram tuk tur leh Khaw thar an kaina tur hmunah te hetiang hi lo awm ta se, an mâk (hmun danga insawn/nei zui duh lo) leh phah ṭhak ṭhak fo bakah kawng laka a lo awm a nih pawhin an hêl ngat ngat mai ṭhin a ni.

Heng mai bakah hian, Lei ruang tuam te, Zawng Lu ro te, Thinglubul te, Raw phir te pawh an ṭih riau ṭhin.
Heng awmna ram hi chu nei lui ngat an awm pawhin Sadâwt te hmangin an thawi hmasa (thian) te te a, chumi hnu chuan an nei ngam chauh a ni bera.
Mi nazawng chuan hei pawh hi an tih ngam loh thil a nih avangin khaw khat Pa luhlul leh Pasalṭha deuh tlemte chauh hetiang awmna Ram tuk zui ngam hi an awm niawm tak a ni.

Sawi tak ang khan, Huai hian mihringah natna chi hrang hrang a thlena an ngaih avangin an biak tlawn a ni bera.
Ṭhenkhat phei chu heng Huaiin natna hmanga a beih avanga thi ta hial te an awm theia an rin mai piah lamah, Mi-ang zui ta mang lo Thla dêt changa phung chunga vak vak zui ta mai te an awm fo nia an hriat tlat avang hian, Pi Pu te nunah khan an inkar leh Huai hote inkar remtu Sadawt kha an pawimawh em em reng a ni.
Huai ho nena Mihring inzawmna thawnthu te kan neih nual bakah hian, kan History-ah pawh hmun pawimawh tak tak Huai hian a luah ve tih chu kan hre ṭheuh turah ngai ang.

Tunah chuan a kamkeuna atana kan sawi Huai leh Pi Pu te'n an duh loh thiang lova an ngaih thil te hi hun danga sawi fiah atan dah ta ila, thupui lamah khian lutin hriat ang ang te kan sawi dawn a ni.

*Ṭaumeichherchhi*: Lusei hun inṭan tirh ata tawh Ṭaumeichherchhi hian Lusei hote hi a chenchilh ve renga.
Tun hun thleng pawh hian, hmun ṭhenkhatah chuan a la inlarin chiang tak taka hmu tute an la kat nawk mai.
Ṭaumeichherchhi hi Pi Pu te khan Ramhuai chikhat, tlang leh ruam khawilai lai emaw-a Thim hlim aṭanga zan rei lam thlenga vak ṭhin, mihring tana pawi khawih zawnga khawsa lem lo niin an ngai a.
Pasalṭha ramvachal te phei chu Ṭaumeichherchhi hian an lung a lenin, Ṭân leh Lurh tlang pang Kham inchhawrdawh kara an han inzui thliai thliai an hmuh chang phei chuan, Ramvah an chak phahin Tumpang chal ki êng kual kulh leh Saingho var ṭha ṭha te, Nghalphusen Ngho var kual nalh zet zet te an mitthla phah ram ram ṭhin a ni.

Ṭaumeichherchhi hi a lan tirh chuan tlemte pahnih pathum lek te an rawn lang hmasa tlangpui nia sawi a ni deuh zel a, chumi hnuah Meichher inchhit kai sak ang hian a rawn dê tam telh telha thui fe fe-in an inzui ta thliai thliai ṭhin a ni.
A changin an mit diaka, a changin an pung leh hluaia, an kalna hmun a ruam leh hniam zawngin an sawn thla thliah thliaha, a lo san thut pawhin sang zawngin an insawn chho leh thliah thliah ṭhin.
Ral aṭanga han ên pawhin mei alh rawng chiah chiah a nih avang hian, Pi Pu te'n mawi tak maia 'Ṭaumeichherchhi' tia a hming an lo vuah hi a hmu tawh tute chuan a inhmeh zia an sawi fo ṭhin.

Ṭaumeichherchhi hi ṭhenkhat chuan a hmuna fiah tum hian an zui fo tawh ṭhin a.
Mahse, tumahin fiah faka hmun leh hmuna hmu an awma hriat a la ni lem lova, a hmu hnai pawl nia ka hriat ve han sawi dawn ila; A hming leh khaw hming sawi lo mai ila, Pa pakhat Pasalṭha sa la thei zet tunah pawh a mah la dam ngeiin ti hian a sawi a ni.

Favang a liama Chul Thlai tang rah leh eng eng emaw dapa ka kal apiang hian, kan Vauva Pangbal leh Bal hlî (chawh hmaih) ṭhenkhat chu Nghalmal hian a nawr phut sûrh fo mai a.
kan Lo hi a bing avangin Vau hi kum tir ata tawh Zuva ah a him lo zual deuh bawk nen, Thangchep leh Thangthleng ka kam nasa viau ṭhina awh pawh ka awk tam viau reng a.
Chul a han nih hnu pawh hian Sa lian hi a rawn luta, kal apiang hian a nawrna hnu thar lo phut dup ṭhin chu ka nghak lungmuang ta a ni.

A rawn tlat ngam viau hnu chuan, tlai khat chu ka Silai ngul ka hawlh fai sauh sauhva khawrsaw tam tawk nen, ka Chempui hman thiam ak chungin kan Lo lam chu ka pan ta a.

Thlam ka zuk thlen chuan, Ka Iptepuia ka thil ah rit zual chu ka hnut chhiaha, Vau lam chu ka pan thla hmasa ta bera.
Nghalmalin a nawrna lai hmun hrang hrang chu uluk zeta ka fan kual dap hnu chuan, khawilai bial pawh chu rawn nawr se lo hmuh ngei ngeina tur laiah chuan Ṭhangte dawh ila tiin rilru ka siam sauh sauhva.
Ka beisei ang chiah chuan, bial tin a nawrna ep zau thei ber tur awm laia Bul kung pawm dawna lian, a zar hniam ber chu a do chho tu Hnahkhar tuai pahnih aṭang chuan pakai chhovin, rem set sawtin ban pil ai maha sangah Ṭhangte chu ka phuar ta a ni.

Chutia Ṭhangte ka phuar zawh hnu chuan, Thlamah chuan ka haw chho leh thuaia, ka Sakhi rep pai hrang khat leh Thlama Hmarchapui rêp vel chu, bawkbawn tang rah Thlam chhak vela lo la uai te nen chuan ka han vaipaden te te a.
Raw theia chaw ka chhum hmin leh diam hnu chuan, Ni pawh a lo liam dawn dawn tawh tih hriat zetin, khaw thlang lamah chuan a êng sen ruih tawh a.
ka Silai chu ka han thlek leh thuak thuaka, ka Torch cell thum leh Chempui ak chung chuan Vauah chuan ka inpu lut thla leh ta a.

Ka Ṭhangte dawhah ka kai chho chauh tihah chuan, ka beisei ang ngeiin Vau mawng lam bial chu Nghalmal chuan a rawn nawr ṭan tih hriat zetin, Pangbal kung te chu a tliak ri leh hmak ṭhina.
chutihlai chuan keipawhin ka Silai chu kah mai theihin ka kau rap tawha, Ni liam chiah thim hmul rawn inṭan chhulh tawh kara Pangbal hung hnuai ka thlang deuh hleka Nghalmal dum zauh zauh chu ka hmu chiang hle bawk a.

Tlemin a lan chian ka han nghaka, ka duhna lai takah ka kah theih ngei dawn hi tiin ka Torch pawh hman mai theih turin ka Silai ngul chungah chuan ka chhuang zaih tawh a. Ka tum dan chuan, a thawm aṭang chuan a len deuh ka rin avangin a Chal emaw a zakdawh emaw, khawi emaw zawk zawka tlan hla lo tura kah chu ka tum a ni.
Mahse, ka duh na taka kap tur chuan ka Torch chu hman ngei a ngaih dawn bakah, a rawn lan chian ka nghah chu a ngai tih ka ngaihtuah rauh rauh bawk a.

Min hmu hauh lo chung chuan, Pangbal hnah kara ka hmu leh zauh ṭhin leh a kuang a rap tliak leh ṭhat ṭhin tih loh chu, rawn sawn chho duh hauh lovin a awmna ngaiah chuan thawm a ngaichang hmasa ngei tih hriat zetin a tawlh a tawlh riha, Pangbal bul pawh a la nawr mai duh hlek lo mai a.
chutia ka nghah vang vang lai chuan, khua pawh a thim titih tawha Nghalmal lah chu a awmna ngaiah chuan a la awm ngur mai a.

A awmna bial chu nawr tur a tam lo tih ka chiang bawka, Ka duh anga remah a rawn tawlh chho tho tho dawn tih ka chian avang chuan, che lo chang lo chuan ka la ngaichang khiauva ka Torch swich pawh hmeh ên mai inringsa rengin ka hup nghet chat chat hle a.
mahse, chutia ka inkau em em tawh lai chuan, a thawm chu a reh hmaka a rawn luhna ep chiah Kawrte kama meichher pakhat rawn alh tang tang chuan ka mit chu a la sawn chiang ta hle mai!
reiloteah chu meichher chu a inthên miau miai a, chutia a chet apiang chuan a bul velah chuan a dang a rawn awm belh zel bawka!

Chutah zet chuan, ka Nghalmal chan lah a thawm chu khawiah va awm tawh suh!
kei lahin ngaihtuahna dang daih ka pu tawha, chung meichher dê thluah thluah maiin an hnuai lama, Hnahthial leh Perh buk ilo an ên lang iarh te chu chiang zetin mit nuai nauh nauh chuan ka en reng mai a.
vawitam Sa hi ka changin ka kap ve viaua, Ramhuai hi an thawm niawma ngaih theih chu hre zing viau mah ila tuna ka thil tawn ang hi chu ka la hmu ngai tlat lo!
Ṭaumeichherchhi' tih hi ka ngaihtuah chhuak thuta a takah ngei ka vawikhat hmuh ve na a ni bawka.
tlar khatah tam fe-in an intlar thluaha, an hnung leh hma bera awm te chuan a tir bera ka hmuh ang khian an inthên miai miai a an bula mite an ṭan kai sak a ni awm mang e tih turin chutia an chet miai miai apiang chuan an la pun belh zel mai bawka.

Ka mit vai a ni lova, hlauhna pawh ka nei hran lo.
Nidanga thawm mak tak tak ka hriat apianga, hlauh vang ni lova ka Sa chan haw san loh theih lova ka kal san daih ṭhin ang khan tun ṭum chu ka kalsan mai phal ta tlat lo!
Sa channa ah reng reng ram vât ri hum hum emaw, Lungpui lum ri hum hum te, Leimin ri hum hum leh Naute ṭap leh mihring rawl chiau tuarh tuarh kan hriat reng reng chuan, Sa hi an reh diaka chan chhuah chu sawi loh an kalna hriat lek lo hian an bo hmin hmak ngei ngei tih theih a ni a. Pi Pu te paw'n hetiang thawm kan hriat chuan kan Sa chan kha enge maw zawngin an lo vauh riau a ni tlangpuia, i he lovin haw san vang vang tur an lo ti ṭhin a ni.
chutiang tawhah chuan, hmanlai Pasalṭha te pawhin chang zui lovin In lam panin an in ak haw vang vang mai ṭhin. hetiang hi ka tawn ve zauh zauh tawh thil a nih avangin, kei pawh heng thawm avang hian beidawngin ka haw ve zauh zauh tawh ṭhin a ni.

Tun ṭum atan erawh chuan, thawm mak deuh tak a nih loh avangin, Ṭaumeichherchhi hi ka vawikhat hmuh ve na a ni bawka en chian chhin ka chak ta tlat a.

Thui fe an intlar tawha, ka en leh lawk lai chuan a hmasa lam chu zawimuangin an kal ṭana, a innawr buai lo tawkin a hnung lam chuan an zui ṭan mek bawk a.
chuveleh ka hnuai lam chu ka Torch chuan ka chhun zuaia, ka chhukna tur chu ka en thuak hnu chuan ka ral mai mautluk nga pawh tling ṭha lo tura hla a, ka kal fona kawrte kama Ṭaumeichherchhi de thluah te chu fiah vat ka chak zual ta kher mai.

Lei ka thlen hnu pawh chuan, Ṭhang leh hnim sang lutuk a awm lem lo bawka Ṭaumeichherchhi te chu ka hmu chiang zual sauh zawk a. chutah, tha tho zetin ka Torch pawh chu hmang duh lovin, ka ram hriat chian a ni bawka tiin Mau leh hrui zam karah chuan en reng chung chuan ka veh phei sauh sauhva, rei lovah an awmna kawrte kam ngei chu ka thleng nghal mai bawk a.
Mahse, ka han thlen veleh chuan, mak tak maiin an awmna hmasa ka hriat chian em em kan vau ep kawrte kamah chuan, an zavai chuan hmuh tur reng awm lovin an lo thim ṭhiap mai le!

Ka hawi ka hawia, chutia ka hawi kual lai chuan ka thlang lam ralah chuan an lo dê thluaha!? muangchangin an tawlh dal dal bawk a.
ka luhlul ka chhuah sauh sauhva, an awmna lam hawi chuan thawm pawh dim tawh lem lovin ka pan thla leha, hnai taka ka zuk hmuh theih tawh lai pawh chuan an awmna ngaiah chuan muangchangin an lo la inzui thluah thluah mai a.

Tun ṭum zet chu ka luh chilh tawh ngei dawn e" tiin ka thawm ka dim thuaia, ka veh mekna aṭang chuan mautluk vel leka hlaah an awm tawh bawka ka phur sar sar tawh hle a.
ka hmuh hmasak ber ang chiah bawk khan, an meichher êngin a chhun an bul vela Mau leh hnim te a vai mai chuan ka hmu chiang leh em em tawha.
Mahse, an awmna ngei ka han luh pawh leh lai chuan, khawnge an awm zawh tak tih hriat lek lovin hmuh tur reng reng an lo awm leh tlat lo!?. An thlawk bo a nia nge ti dawn ila, an thlawk sawn lai chu ka tan hmuh hman loh rual a ni bawk si lo!
An awmna chiah chiaha ding reng chunga ka hawi ka hawi lai chuan, ka piah deuh fe ruam hniam thla ang reng zet, helai ram Loa ka pawm dawn ṭuma ka kal thuak tawhna ah chuan an lo intlar leh thliai chu ka han hmua a hma ai mah khan an lo tam tawhin ka hre nghe nghe a.

Chutia an insawn tak fovah chuan, Patling a pumpa hnemhnanna va awm lo chuan, eng aiah nge helai thleng thlenga ka ûm tak mai chu" tiin ka inngaihtuaha ka thil tih tum chu ho ka ti ta viau a.
Mahse, vawikhat chauh tal chu tiin a tawp nan va luh chilh leh ngat tum chuan rilru ka siam leh sauh sauhva, tun ṭum erawh chu an kalna hawi lam chu ka en hmasak hnu ah an hma zawn siah hnai taka lo chan ka tum ta a ni.

Ruam aṭang chuan, khawchhak hawiin an chung lama tlang inkhawh chho zui zopang chho zawh chuan muangchangin an kala, chu zopang chu khaw nge ka lo va tlak khalh teh ang" tiin chhak lamah ka tlan chho titih ta thuai thuai a.
An rawn kalna tur hmabak zopang chu ka han thleng thuaia, ka thlang lama an rawn dê chho thliai thliai lai chhuk bih kar chung chuan muangchangin ka chhuk hret hret bawk a.

Reiloteah chuan, Mau tlawn tluk hnih lo liam bakin kan inkar chu a inhlat ta lo.
ka Silai chu a ṭul takin tiin ka kau zauhva, ka Chempui pawh phawi mai rem turin ka Iptepui chu hma lamah ka sawn thuai bawk a.
Mahse, chutia ka lo inkau rem vel lai chuan mak tak maiin an thim hmuka, chu zopang liam chhim chhawng bul ṭhut ruam ka ral hnuai lamah chuan an lo awm leh daih mai a!

Chutah meuh chuan, ngaihtuahna pakhat ka nei thuta, hetiang reng reng chuan Ram pil rilah min hruai thuai dawn tih ka hre chhuak thuta, rang taka haw vang vang a ngai tih ringawt mai chu ka ngaihtuah ta a ni.

Ka hmuh hmasak berna hi kan Vau mai a nih bakah, an insawnna hmun hi ka hriat chian a ni deuh zela.
hei mai bakah hian, an mei êngin a chhun Mau leh Hnim leh eng eng emaw hi chiang zet zeta ka hmuh avangin, Ramhuai chikhat anni tih hi ka ringhlel hauh lo!
Tin, an insawn hma a an awmna aṭang hian an insawn leh zelna hi a lang phak ngai lova, Hnim leh Mau, Thing lian tak tak bakah a mual pian hmang hian a hliah hrim hrim veka. 
hei vang hian, mak takin an insawn theia a hmunah en mai theihin an inlar duh hauh lo a niang tih hi ka pawm dan a ni ta a ni. 
Tiin he Pasalṭha hian min hrilh a ni.

Hei lo hi titi ṭhenkhatah an sawi leh dan chuan; hman deuh tawhah khan Pa Pakhat hlo thlo ṭul deuh chu a haw tlai deuh a ni awma.
kalkawngah chuan, Ṭaumeichherchhi hi a hmu ta tlat maia, ani pawh hian a hmuna hmuh tumin a zui e an ti leh bawk a.
ani erawh hi chu vawihnih an insawn san hnu ah, vawithum an awmna laia a han luh chilh leh lai chuan, an vai mai chuan vawilehkhatah an rawn hnai huka an rawn vir chiam mai a ni awma!
hemi ṭum hian he Pa hi hlau baklengin a tlan haw e an tih chu..!!!

Tunlaiah thiamna a sang tawha, Ṭaumeichherchhi te hi Science thiamna hmanga hrilh fiah tawh hiala sawi a ni ve leh thunga.
Tlang khawkrawk te, hmun hniam ruam leh kawrdukah te hian Boruak chhia Methane Gas a insiam duh hle a.
He Methane Gas hi a lo rei deuhah chuan, a lo innawt ṭêka Mei alhah a insiama chu chu a hnuai lam boruakin a nêk kang chho zela boruakah a thlawk ta ṭhin a ni an ti.
mahse, hei hi a ni chiah a ngem!? tih hi 100% Scinece thiamna pawh hian a Prove chiahin a rinawm lo tih hi a lang ve thovin a hriat a.
Ṭaumeichherchhi hi Methane Gas hlawm alh nita se, a bul vela Hnah leh Hnim ro te chu a dep kai anga, a mual mualin Ram a kan ngei a rinawm a ni.
Hei mai bakah hian, Boruak thawlengah Meichher tiat leka inhlawmin alh ral si lovin thui tak tak a kal theiin a rinawm chiah loin a lang a ni.
Chu achhapah, tam fe fe-in an inzuia thui tak tak an kal thliai thliai ṭhin si a, Boruakah Gas hlawm hi alh pap thei khawpa ruha inhlawm chungin a thlawk kual vak vak thei dawn em ni!? Boruak Surface dang nen eng Gas pawh hi a innawh chuan chu Boruak dang chuan rang takin a pawlh dal ngei ngei si...enge i ngaih dan ni ve ta? lo ngaihtuah zawm rawh le..

COMING UP NEXT: CHHAWIHFÂ

CRYSTAL HILL, BUNG 7

CRYSTAL HILL, BUNG 7
💱recap
An hun tiam chu a rawn thlenga, zing fira chhuah tumin an insiam ta sap sap a.
Zela leh Bibi, Chacha leh Zamtea te an kal hrang anga, Zela, Nuna, Hruaisanga te ho an inzui bawk dawn a ni.
Puppet ho ralthuam Silai leh hriam an lak sak hnem tawh bawka, Silai lian zawk te chu dah ṭha-in hnawksak lo tur Pistol changkang zet zet leh kah nâ, EAA witness - elite match 9mm leh Glock gen 4 te chu ṭhiat darhin, a mu tam tawk nen an Boot hnuai leh jacket ban karah te chuan an pai zaih vek a.
.
       Llpa rokhum//An fanu duat lai an unau thum zinga naupang ber Joani a room-a a inkhung tam ta em em te, a class kal pawh a ṭhian te kawm mang lova a tla fâl mai mai ṭhin te, chaw a ei mumal mang lo te chu Pu Chhuanzuala leh Pi Ramteii te nupa chuan an vei ru hle a.
tlai khat chu Joani u te pahnih Damteii leh Mapuia te chu an sitting room ah chuan an ko hranga, an la nautê en Joani chanchin chu an sawi khawm ta hial a.
.
        Pu Chhuana chuan Joani u te pahnih chu fim zetin a han melh tawn zauh zauhva;

"Bawihteii nunzia hi ṭhalai zawk nangni a u te hi chuan in hre turah ka ngai deuhva.
ngaihzawng te hi a nei anga, rilru natna a nei nge ni!?
tunlai kan khawvelah ruihhlo a hluar zual em em si a a lo ti ve mai nge tihte hi i nu nen hian kan ngaihtuah nasa ṭhin khawp mai"

"ngaihzawng a neih lo ka pa"

Pu Chhuana chuan a fapa Mapuia chu a han en renrawna, "tleirawl chhuak ve chauh mah nise, khawi lo ka kalpui te hian a rualpui mipa ho hian an thlêk ngun ve viau tawh a nia" a han ti sup a.
.
         Damteii chuan a pa la ṭang deuh ṭo chu melh zak zak chung chuan, "mipa kawm em em chu a neiin ka hre lova, hman deuhva kan ṭhenawma rawn awm ṭhin te tupa Rafela nena an infiam bawrh bawrh leh a room-a eng eng emaw an ti dun ṭhin tih bak hi chu tumah" a ti hman chauhva Nu ber Pi Ramteii chuan, "kha rawlthar kha ruihhlo a ti nasa an tih tak kha!!
an lo ti dun ṭhin te hi a ni lo maw" a rawn ti zauha.
.
         "bawihteii hi rin khawloh ka remti lo viauva. mahse, mama nu i sawi chu thil awm thei tak pawh a ni e"

"tunlai hian, a room-a a inkhung lai hian phone a hmang deuh fova.
a awm dan hi kan en ṭhat deuh hi a ngai a ni mama pa"
.
       An sawi khawm fe pawh chuan, Joani nunze zuai em em leh a khawsak dan thlenga a inthlak ta em em chu a chhan an hre lo tlang hle a.
a te ber a nih piah lamah, tleirawl chhuak hlim mai a la nih avangin nautê ang maia an duat rawn a la ni bawk nen, khawsak harsa lo tak an nih avangin college a rah tirh pawha Foreign a kal tir tuma a duhna hmun leh College thlang tura an nawr fiam fo kha a ni tlat a.
mahse, Joani hian an tum ang rilru hi a pu ve lem lova, thiamna tak tak chu Zirtirtu te leh Skul ṭhat leh ṭhat lohvah enge maw chen innghat mah se, 98% hi chu Student te ah a innghat tih hi a pawm dan a ni ve tlat a.
chuvang chuan, College pawh  ram dangah zawm lovin Nu leh Pa unaute bulah ngei mahni In aṭanga kal hi a thlang ve tlat mai a ni.
.
        Joani nunze zuai tlat chhan chu hre chhuak thei chiah lo mah se, nitina a room-a a inkhung apianga a biak ziah ṭhin chu tunge a niha? enge an sawi ṭhin!? tih chu hriat tum turin a u Damteii chu Pu Chhuana te nupa chuan an chah mawlh mawlh a. a biak ṭhin chuan a nunah pawimawhna tak a nei ang tih chu an hai lo tlanga, lungngaihna a thlen sak nge? a harsatna te chu a chhungte hrilh lo chuan, chumi hnenah chuan a thlen ve ṭhin tih te chu an hriat a ngai tih chu an sawi tlang bawk a.
.
          Nautê ena an la en tleirawl duhawm leh hmelṭha, nunze nu zâm mai leh Nu leh pa leh a u te thuawih em em ṭhin Joani nun danglam chho telh telh chu a chhungte tan chuan ngaihṭha taka thlahthlam mai mai chi a ni lo viau reng a.
Rafela a kal aṭanga ni sarihnaa Rafela message hnuhnung ber "ka thi tih i hria a nih loh chuan, kum pawh vei mah se min lo nghak ang che" tia Rafela'n a rawn thawn chu Joani chuan beseina nung a la neih chhun, Bati ral lam tawh êng chuai tawh zet ang maia a thinlunga a la nghah ve fan fan beiseina dê ve che chê chauh tawh chu a ni a.
mahse, nitin Rafela mail a dawng tawh mahna tih rilru pu chunga, a Email a check a pianga Rafela message lo awm leh ṭhin silo avanga a rilru hrehawm chuan a nghawng zuai tawh tak zet a.
an tum ram an thleng tawh anih chuan, ngei ngeiin Rafela chuan a rawn mail box anga, a ngaihtuah tih hai rual lohvin a chanchin te a rawn zawt tawh ngei tur hi a ni a.
mahse, a beisei hun chu Ni chuan a liampui zela, a hun nghah chu a sei thlawn ting a ni ta zel mai si!
chung zawng zawng ngaihtuah chunga a room tukverha dak chunga ral hla taka tlang lo lang paw vau te a thlir lai chuan, mittui tlâ tling piau chungin a khumah chuan a bawk leh ngawih ngawih lo thei ṭhin lo a ni.
.
.
          Chutia rilru hrehawma awm reng na na na chu, a tihngaihna hre lo chuan a phone a la-a Rafela pi thingtlangte ve zet, Khawpuia Sawrkar lamin an ram an lei luih sak tawhte inkhuar khawm ve na hmun, khaw din thar deuh hlawt Sertlang khuaa awm ta Rafela pi Pi Parteii bawk chu a call leh nge nge ṭhina.
anni nupa chuan an tupa ṭhian kawmngeih ber Joani chu, tunu en taka an en zui avangin a theih ang angin Pathian thu nen a lo ṭawng thlamuan ve var zel a.
ram dangah meuh kal an nih avangin inbiak pawh zung zung a har thu te, mipa chhuak ta ngang chuan a tupa chu mipa ah pawh ngeng nghulh mai a nihna te chu hre rengin, "a duh ang taka hna te a hmuh hunah chuan, hrilh tur che pawh a ngah ve anga engkim a rawn hrilh dawn che a lawm...keini pawh min la rawn be hauh lova, a mizia enin kan ngaihtuah hauh lo a nia Bawihi" ti te'n a lo thlamuan ṭhin a ni.
.
           Thup tum ve viau mah se, a mi biak ṭhin chu a Nu leh Pa te leh a u te chuan an hre thuaia, a u Damteii'n a sawi tawh angin an naupan laia an ṭhenawm ṭhinte tupa Rafela Pi chu eng vanga Joani chuan be fo nge a nih tih chu an ngaihruat thiam lo hle a.
a nu leh pa te'n khunkhan taka an room a an koh fala an zawh lahin Joani chuan a zep ve tlat mai si!
"bawihte, i harsatna chu midang hnenah hrilh lovin kan hnenah thlen zel zawk la i hahdam ber zawk dawn asin" tia a nuin a dawp luih deuh viau pawh chuan, "kan naupan lai khan Pi Parteii hian min duat thei ema.., eng eng emaw sawi dunin kan inbe ve mai mai a lawm" a ti tlat zel mai a.
mahse, Pu Chhuana te nupa chuan an Naute duat lai leh Pi Parteii te inkarah hian, enge maw tak inkawmngeih tir riau tu hi a awm ngei tih an  hre chianga, Pi Parteii chuan a chhe zawngin a kawm dawn hauh lo tih chu hre chiang mah se, an inkawmngeih em em nachhan chu an hriat phawt chuan, Joani nunze zuai telh telh chu chhawk dan a awmin an ring nghet hle a.
chuvang chuan, a room-a a tawm deuh apiangin an thu sawi ṭhin chu hriat chian tuma en thlak ve deuh chu an tum ta a.
.
          Lung Puk ropui zet meter 300 bial vel tura zauva kaw ruih, meter 100 dawna sang a ni mai awm mang e tih tura a chung lam sang thaw vuaih chhung khawilai mai pawh chu Rafela chuan mak a tih em avang chuan, vanvadak meuhin Puk chung lam chu a thlir kual a thlir kual a. chutia a thlek chhoh kar lakah chuan, hmun tin maia an meipui chheh hual tuauva, a mah hruai tute ang chiaha puan chhe tak tak veng leh Vaibel pet kawh vâ te ding far chu a thlek kual leh zauh zauhva, a mutna aṭanga ral hla fe fe a mei êng thlih thliah te nen lam chutia a en kual deuh fe hnu chuan, a mah bawihsawm mawlh mawlh tu a rawn chhar chhuak tute ai daiha patawi bîng bial map mai, hmai bial hmem hmawm a dar rawn liam thla zâlh khawpa midang ang lo zeta puan dung ṭial darbah, mit meng zim sen sawn leh khabe hmul leh hmuihmul zuah vial tap a sawi hriat hauh lova phun leh bal bal ṭhin chu a han en leh ran a.
chupa hmai mâwk mêk mâwk lah chuan a chezia chu a ngaipawimawh teh chiam lo tih hriat zet chuan, a thil tih ngai ti reng chung chuan Rafela hliam hmuamhma te chu Hâite-a a meihawl chiah hlumna tui chuan a leih bawrh bawrh fo mai a.
chutia engmah sawi lova a la ngeng ngang ngang chu Rafela pawh chuan biak buai tum lem lo chuan, chu Puk mak leh ropui bawk chu a thlir kual san leh ta zawk a.
.
          Hmun hrang hranga Puk bang kua aṭang chuan, pawn lam êng a rawn lut pawl reih ruiha, a chung lamah te chuan Puk chhunga tuihû zâm rawn far let leh tur te chu hmun tina an meipui chheh chuan a en khalh tlê sep sep a.
Puk chhim lamah chuan, Tui hna fim em em hi a rawn luanga Puk lai takah chuan dam dap maiin pawn lam thlengin a luang tlang phei raih a. chuti khawpa Puk khawkrawk a ni lem lo chung chuan, pen sawm leh sawm thum vel awma inhlatah Lung thlangra tiat tiata lian hi hmun tinah chuan inhne rem ang reng zet zetin fit 10 bial vel awma zau, fit 6 vela sang zelin a intung khawm thlih thliaha, a chungah thing hnah buk zet zetin a inkhuh lik lek hlawm a. mahse, Puk lai tak awm vela chutiang lung intung khawm a chung lama thingzar inkhuh sawm hnih vel ding khawmte erawh chu, hmun dang a mite ai chuan a lian hlawmin, chung ho din khawm thluahna lai tak ami phei chu fit 40 bial zet zawt tura lian leh fit 10 ai maha sang a ni ang tih chu ral aṭang pawh chuan a hriat hle a. chu mai chu a la ni lo, chung Lung intung bial lian bik te ep chiahah chuan, tlema hmun sang chho hret laiah a lai ami aia la lian zawk chu tó lurh khawpin a ding leh bawk a.
.
.
         Chung a thil hmuh mak tak tak zingah chuan, chung lung inkhuap ṭhenkhat bula thingtuai lera Ramsa lu ro an tar fer fur mai leh chung lung intiang panga Sa lu ro te deuh zawk intar tlar dul te chuan Rafela mit chu an la kham thei lo hle a.
.
           A mal hliama thil enge maw diak lam deuh rawn tât leh mawlh mawlh tu a mah hruai tu te'n 'Bawlpu' tia an sawi mai chuan, rum âla rawn melhin a hawi kual leh mek lai chu a rawn rum khum haka "i hliam chu bih chilh meuh chuan a kaw thuk ṭeuh lem lo ve. ti hian Arhluisenin ka thawi chhilh che anga, Darlung huai ho pawhin i pang an ti ûr reng tawh lo ang chu maw" a rawn ti thum bal bal a.
.
            Chutihlai chuan, amah hruai tute zinga pakhat kha a rawn lang hlawla, Rafela lu bula a rawn ṭhut hâng mâk hnu chuan, "khaih khâ! kan bawlpu chu i hâh tawh ang khai.., ka rappui zufang bilh hi han pir teh khai. hawh awi, khelawk pawh a inthiah sa kha maw" tih leh a belte ken chu Bawlpu bula rawn dah chu a han rual a.

"a vunpui hi a chat niala, a thâpui pawh a pawr puk lek lek a nih hi"

"tâmah kan kal sawih sawih lai khan a pang ûrin a thlâh lo hle a, a khup lah kha a vung deuh lûk bawk nen, a dar pheng hliam kha a tuifulh viau bawkin a lang e"

"a dar hi chu a vun a phui lek leka, a mah hian a enkawl ve nial hman a nih awm hi.
Darlung huai Lal Sihbula hnenah ka'n thawi anga, a pang ûr pawh hi a kiang hiai mai ang chu maw"
.
         An inbiakna ṭawngkauchhehah bawk chuan Rafela chu a lo buai leh tawh em ema, an sawi chu hriat amual mual chu nei ṭhin mah se, hriat thiam aiin hriat thiam loh a ngah avangin a tan engmah sawi ve na chi niin a hre mang tawh lova.
Bawlpu tia an kohvin khelawk la lek vâ chunga din nalh paha eng thu emaw a sawi zawih leh sap hnu chuan, a mah hruai tu pa chuan Rafela chu a rawn kai tho ṭaih ṭaih a Puk chhuah lamah chuan an inkuah phei ta saih saih a.
.
         An kalkawngah chuan, meipui aia lo ding patawi te te hâng mik mek leh hnar bawng hît hêt, tui tih hmel zeta Vaibel pak chunga lo titi mam mam te chuan mit tla dawn dawnin an lo thlira, enge maw chen chu an zuia an kir san leh dial ṭhin a.
chutia an rawn hnaih apiang chuan amah kuah tu chuan "huai mi a ni lo ve, keini ang bawka thin leh lung nei a ni e"
a ti leh lauh lauh ṭhin a.
chung a ṭawng te chu Rafela chuan a hriat thiam ve avang chuan, "mihring mak tak in nih hi maw le! rammi intih chu ka hre ve hauh si lo" ti ngal ngal chungin a mak kaihkuah tupa chu a thlek ve leh zauh ṭhin a.
.
         Rei vak lovah chuan, a hma-a mak a tih em em Lung inchhawng thlih thliah pakhat lo dinna bulah a kal pên puia, an han kal hnaih deuh chuan a panga kawngkapui ang reng fit 5 vela sanga a lo kaw pam chu Rafela chuan a han hmu a.
.
          A chhunga a han kûn luh hram hnu chuan, chu lung inchhawng kual chhung chu a rin aiin nuam a tiin tukverh ang reng te pawh bang khawilai laiah emaw chuan lu leng lek lekin a lo kaw ve thliah mai a.
.
         Lung phekte chu killi biala chhawn a nih avangin a dung tawpah chuan thingtuai ram dawhsan khup aia sang mah hi a awma, chutah chuan blancket anga chhaha siam Puan han tih dawna ni chiah silo, zai hraw hreih hruiha intah phui chuat hi a inphah dap a.
kawngkapui bul mai veilamah chuan lung inrem kual tlema leia chhun san deuh chungah lungtum pathum hi a intunga, a chungah chuan bel ung zet a lo inchhuang ve khak bawk a. thlang lamah chuan, thil mak tak tak tung deuh êt ût leh thinga tuk bial lian tak takte, thira siam Chem ang reng hriam hmel zet zet te a lo awm bakah hmun tina thil awm reng reng chu thil mak tak tak hi a ni vek mai a.
.
         Rafela chu a hruai tupa chuan chu lung In tawp lama kuah phei zel pah chuan, "Ralburha ka ni a, ka chhungpui nu nen hian falu kan âk dam hlei thei lo riau mai a!
ti hian kan nupa-in kan inkhawr hrang ve e kan tiat, nupa rék tih takah kan In pawh a zau lua lo ve" a han ti puam ṭalh a.
.
        An inbiak pawh tawn theih ang angin an han inkawm ve a, reilo vak lovah chuan Ralburha Nupui Zinglawii khawilo kal pawh thei rah pawm ṭâ-in a rawn haw ve ta a. a ei theih tawka tam thei eng eng emaw leh khal deuh êl ùl var mu deuh hrêk hrûk te duhsak taka an ei luih tir ve nual hnu chuan, "zanin hi chu pang damin han chhing phawt la, naktukah kan Lal leh mualkil te'n titi an thlâhpui dawn chea, an lung thlûkna khawpa an beng luh khawp titi vawrhpui hram i tum dawn nia" a ti ta a.
.
.
         A tuka lung In lian bik tak tak awm thluahna an pan lai chuan, Rafela la bai deuh saih saih chu Ralburha chuan dawm leh laih laih pah chuan, "ka nau, rilru helh kamin awm lo la, kan Lal leh mualkilte hi pa zam dam tak tak an ni a nia" a han ti dam dap a.
Rafela chuan an ṭawngkauchheh a man loh fo chu a helhkam ru hle tawh tih a ṭhianpa chuan a hmelah a lo man hman hle tih a hre chiang bawka, "min ngaihtuah hle mai maw"! tih pahin a han nui deuh sak a.
an hma lam a thlir leh zauh hnu chuan, enge maw ngaihtuah chhuak thut niawm tak chuan Ralburaha chu a han en leh renrawna "ṭhianah min ngai tawh si a, engtin nge ka koh ve dawn che"? a han ti leh sap a.

"kan lo haihchham lek lek tak maw, nang aiin ka kum bih a tam tawha ku Ralburh' tiin min ko ta mai che"

Ralburha'n ko tura a duhdan a han sawi lai chuan, Rafela chu a nuih a za ruin an ṭawngkauchheh tam fe chu zir a chak ve ta viau a.
an Lal tual lo zau hnum hlurh an han thlen lai te chuan, "ku Ralburha, kum chhir tam...haihchham"!!? ti sap sap chung chuan a han nui leh saka, a rilrua zauthauna rawn lut thut avang chuan chung ho Lalpa chu a hmu chak zual ta hle a.
.
          Lungpher inphah phei zui mai tawn tawna putar lam lek lek mah se, mitmeng fim leh lu zo zet zet an khupa puan suih far chunga an inkawm laih laih lai chu, Rafela chuan a ṭhutna aṭang chuan chik zetin a en kual nasa mai a.
chutia an ṭhut phei zui tawh lai chuan, kawngka zaupui maiah chuan midang an rawn luh belh zela, a tlangpuiin tupawh chu fit 5 chuanga sang an nih pawhin inchese hnih khat baka sang an ni lo tawp tih chu Rafela chuan a hmu chiang em ema.
a tlangpuiin an taksa a seia, an bawp a tawi bing deuh karh vek bakah an hmai ruh a liana, an hnar a bawng hât veka.
an sam a hnim thawkhat veka, an tukkhumah an ziala puan tawngchham an veng vek bawk a.
a ṭhen chuan an puan ven mai bakah chuan puan te zawk hlui hrip hrep hi an lu ah an veta, Vaibel an peh deuh far vek bakah an sam zialah chuan hmawlhte sen relrawl a  tawn tawna meh zuih deuh palh hi an thiat far vek bawk a.
.
          Rei vak lovah chuan, an Lal In dung tawp lam thim phei ruih aṭang chuan pa pakhat fit 5 tling ṭha chiah lo tur vela sang hi a rawn lang thuta, chuveleh midang zawng titi lai pawh chu an ngawi ta diak a. chu pa chuan, Puan hleitling deuh zawk a vang zawnga a duma ṭial hi a venga, a chungah chuan puan dang a tlang dum hraw deuh a tak zawng sin deuh zawka a sen leh a duma inrin hi a darah a nak lehlam thlawpin a insuih pum thla zar bawka. a lu-ah chuan a samzial kilh kual chaihin puan dum sin te te-a a sena inṭial hi hlai hlapin a hrenga, a bek veilam hretah chuan Sava chang sei zet a parh sei zar chung chiaha a parh awmlo, inchese sarih dawna sei a kuang chauh kûl chho pap, a hmawra parh bial leh kalh hi a inthiat kûl kalh bawka.
.
         An lo ṭhut khawmna a rawn thlen chuan, Ralburha te Ina a hmuh ang bawk mei chhemna dawh kual zau pup mai khuahna lungtum tliang ṭha zet chu a rawn ṭhut chata, chutia a ṭhut rual chuan a Vaibel peh kawh lai chu a ṭhutna lungtumah chuan a han chhu karh karh a.
.
          Rei lovah an thûm haka, Ralburha'n chu In an ṭhutna ep lam tawp thim zing aṭanga rawn kal an zinga rawn ṭhu hlawt, a incheina danglam bik tak ngei chu an Lalpa Darkeuva a nih thu a hrilh nawn leh sap lai chuan, a ṭum hnih nan midang zawng chuan an Lalpa en ṭhap chung chuan eng emaw hi an sawi thum leh ta mam mam a. chutia an thum leh mam mam lai chuan, an Lalpa Darkeuva chu a rawn hawi phei thuta, Rafela chu chiang kekawa rawn en chung chuan "nang hi maw kan Pasalṭha ram chin biha kal te'n an rawn chhawm haw'ng tak chu ni"!!?
a rawn ti thum ta chhar a.
.
.
         Ralburha chuan Rafela chu a melh zauhva, "i ṭawngkauchheh hi chu kan hre fiah deuh zawk a nia" a ti zawi ta sap a.
Rafela chuan Lal Darkuva chu fim taka en chung chuan a zawhna chu a dik thuin a chhang ta var a.

"khawi hriat loh ram aṭanga rawn lawi lut teh hlawl chu ni che maw"

"kan ram leh ram dang inrina aṭangin ka bo a ni ka pu"

"a eng ram chu i sawi ni maw!? hlate khua a kan chipui liam tate leh Pawih mite bak mihring dang khawiah va awm suh"

Lal Darkeuva phawk hrâ tawh leh ṭawng fiak lek lek tawh chu a mualkilte chuan zahngai turin an lo ngen sap sapa, an khual lawi luh chu a chiang vak lo a nih an rin thu te chu an sawi ta sap sap a.
.
          Anni lo lusei chi dangte chu hlate khuaah an liam vek tawha, Pawih ho bak mihring dang an awm hauh tawh lo reng a ni.
chung Pawih ho takngial pawh chu an awm khawmna Puk zau em em leh a velah hian an rawn lang ngai hauh lova, an tan khawiahmah mihring dang an awm theiin an ring hauh lova an ngaihdan chu an hun hma lam lo tawn tawh nen a inmil chiah tlat a ni.
.
         Lalpa Darkeuva chuan dam deuh zawkin a mualkilte chu a han rawn kuala, a duhdan a sawi sap hnu chuan "i awm dan ngai sawnin ṭawng ki dang hmang hauh suh khai" tiin Ralburha chuan Rafela chu an Lal laka a awm dan tur a lo hrilh ru ve leh mek bawk a.
.
          An reh leh deuh duak hnu chuan, Lal Darkeuva chuan mualkil pakhat chu a han melh deuh kara "kan thu lai lak hi chai liam mai chi a ni dawnin a lang ṭeuh lo mai e ka ti!
Lamleri pa, kan khual padungseia hi kan chin hrilh fiah teh khai.
heti hrim chuan ka bututin ka thin a tawng mai dawn e" Rafela chuan dawt a hrilh a nih a la ring hle tih hriat zet chuan a rawn ti leh lar lar a.
.
         Mualkil Lamleri pa chuan Rafela leh Ralburha te chu a rawn tawlh hnaih sauh sauhva "kan Pasalṭha Siallawia khan, keini lusei hote ṭawngchheh hi lo benglo hawi liam san ngial ngial a nei e a ti ta dâhin ka hriat tak chu!.
ka kam liam a lo man loh changin nangin i lo thâwt fiah zel mai a niang chu" tiin Ralburha chu a thusawi Rafela'n a man loh changa lo hrilh fiah zel mai tur chuan a ti ta a.
.
          Ralburha'n an mualkil Lamlêri pa lu a buk khum nghat hnu chuan, Lamlêri pa chuan a 'aw' a han thian kharh kharha chumi hnu ah Rafela chu chiang taka enin, an hun kal tawh leh tuna an awmna Puk zau em em hnuaia an khawsak zui tak dan te chu a sawi ṭan ta a.
.
           Ṭiau ral aṭangin lusei ho chu Halkhâ leh Thlanrawn ho chuan Ṭiau kanin an ûm liam thla duak duaka, hriam nei ṭha lo zawk lusei ho chu kawngah an um phak phak an that hmiah hmiah zel a.

CRYSTAL HILL, BUNG 6

 CRYSTAL HILL, BUNG 6
.
Llpa rokhum//A ṭhianpa-in a tur nawn leh tak avang chuan, pakhat chuan Rafela kheimit chu a kut zungchal chuan a rawn khawih da da a, vawihnih vawithum a khawih nawn zauh zauh hnu chuan "a pumraw khîn a leiah rammi hmuh takin kan lo hmu a nih awm hi!
hei a pangti a luma, a mar pawh ka deka a phu eih eih e" a rawn ti phawk ta hrâ a.
.
            Rafela chuan an chezia la en ru ran chung chuan, chupa chu chiang zetin a melha a hmui ro zet a liah lap lap hnu chuan "pu te u, ka awmna hi khawilai nge ka hre lo a ni" a han ti zawi leh sap a.
pakhat chuan a ṭhiante pahnih chu a melh zauh zauhva, inman tawn taka an kal sawn diak hnu chuan thui kal lovin an piah ṭhang buk bulah chuan an ṭhu khawm te te a, zawi sapin an phun ta sar sar hlawm a.
.
        Rei vak lovah chuan, an duhtawk an inbe fal ta a nia nge, an vai chuan Rafela mut hlawm rengna lungpher lam pan chuan an rawn phei leh ṭham ṭham a, Rafela chu pahnihin dim ang reng zeta an kaihthawh ṭaih ṭaih lai chuan, "i hliam thîm fulh zet tawh kha a dam hma chuan kan Bawlpu-in a thawi rih che a ngai e" an sira lo ding chuan a tih sap hnu chuan, Rafela chuan a Silai Uzi chu a mu a nei tawh lem lo bawka a mutna lungpui hnuaiah chuan muangchangin a rawlh luta a Pistol erawh chu a boot karah chuan a zep hram a. chutia a che vel an nghah hlek hnu chuan, tih nat hlau zetin a kal theih tawka chakin a sir leh sira kuah tawn ve ve chung chuan chung mipathumte chuan an kalpui ta a.
.
         Chumi ni nilenga an han kal hnu chuan, Rafela chu a chau tawngkhawng ta a ni tih hriat zetin a kaihza rawn zawi thut avang chuan an kal mekna luite kamah chuan, a sir tawn tawna a mah kaihkuah tute pahnihin an chelh hman mang loh chuan a ṭhingṭhi hnawka, "pu te u, min kal san mai teh u" a ti thâm ta chhala.
mahse, an zinga pakhat chuan rang vet vawtin a rawn dawma, chutia a rawn dawm pah chuan, "lusei chi keu te danah hliampui tawka tlu te tâmah hnutchhiah va thiang suh!
ti hian lo chawl lang'in, hlâng kan han tuk anga, a ṭul leh khaute punin pakhat hi kan kal mai ta law'ng" tia zawi sapa a rawn chhan var hnu chuan, a rem dan deuh zawngin Rafela chu a mut ṭhat tir thuai a.
.
         Lusei!? lusei thlah kal zel te chu Mizo tia vuah an ni.
chung Mizo thisenin a hrin ngei chu ka ni si a, heng mite hian lusei an ni tih an ṭawng ka hriat theih ṭhenkhatah hian an sawi lang tlat bawk si!
naupangte ka nih lai aṭangin hmasang History ah kan thlah tute, lusei ho chanchin hi document pawimawh tak niin kan zir nasa ṭhin hle a.
ngawi teh Rafel, i hun tawn hi eng hun mak leh danglam nge ni ngai!?
a rilru ngaihtuahna fim mang tawh lo khawpa a chau tawh chung chuan, Rafela chuan chung mite leh an thlah tu lusei ho chanchin History lama Collage a dai luh thlenga an zir chu ngaihtuah khawm nachang a hre ṭana, a chhak lawka a mah zawnna tur thingtuai an sat ri kauh kauh thawm ngaithla reng chung chuan, a ngaihtuahna chu chau chung chung chuan a hmang nasa ta ngat ngat hle a.
.
          Thaw halh halh chung chuan a han meng kawka, a mah bawihsawm tute thawm awmna lamah chuan peih leh peih lo zeta meng hram chunga a thlek bak hnu chuan, a beng chu kut khur dat dat chung chuan a han nuai nak naka chumi hnua a han ngaihthlak ṭhat leh pawh chuan, an thawm chu a rikna ngaiah tho chuan chiang em emin a la hre ta deuh deuh mai si!
ka mumang e maw, ka chauh luat avanga ka rilru vaih pawh a ni chuang hauh silo!
ka hliam tawrh nâ ka hria a, ka ri hriatna lah a ṭha reng bawka. he hun mak zet hi ka hrethiam ta hauh lo mai.
.
        A ngaihtuahna a han hman nawn leh ngat hnu chuan, an rawn kaih harh tirha pakhatin thil enge maw a ip aṭanga a phawrh leh a hmawr bawka a mau meh vam a chhuan hnua a kuang aṭanga a fawh khuk laih laih, midang pahnih te pawhin a hnu lawka chutianga bawka an rawn tih ve kha, a tak hmu lova a pian zia leh an hmanna a ziak chauhva an lo chhiar ṭhin Mizo History a 'Vaibel' lusei mipa te'n an zuk ṭhin ngei kha niin a hre ta tlat a.
chutah zet chuan, Rafela chuan a hliam hre chang lo chuan a mah bawhsawm tute thawm ngaithla chung chuan a inbeng kang sauh sauhva, an thawm awmna lama kal tum chuan luite lung pang vel nem rap rap chung chuan a kal lui ta chhat chhat a.
.
.
         Chutia Rafela innem kal rap rap lai chu pakhat chuan ral aṭangin a rawn hmu a, a ṭhiante pahnih hriat tura a phun sap hnu chuan rang zetin Rafela awmna lamah chuan a rawn tlan thla thuai a.
.
Rafela bul a zuk thlen chuan, "eng i ti ta nge ni? khatia i tluk hmun i rawn thawh san tak uaih mai!?
Sapuiin a vêl che a nia nge tih dawnin a rim a râ lah khawiah va hre suh i, i mut hahdam loh zawngin mihring kan inchan lo hlauh dah ang ka ti" tih leh a zaka rawn dawm chu a rual nghal vat a.
mahse, Rafela chuan la innem ṭang ve fat fat chung chuan, chu pa chu chauh hmel zeta enin "nangni ho hi tun ang generation ah hmuh tur in awm tawh tur a ni miah lo" a han ti bah nak a.
.
         Chu pa chuan Rafela thusawi chu a hrethiam lo tih hriat zet chuan a melh ngar ngara, "a eng chi chhuah ṭawngka nge ni lusei ṭawng chhêh nen i lak zawm teh ṭeuh chu ni"!? tia zawhna zawh let sup pah chuan, a dinna hmunah chuan mut hahchawlh tir tum chuan Rafela chu a dawm leh ta laih laih a.
.
"lusei hnam in ni em"

"lusei chi keu ngei kan ni a lawm"

"in hun chu hmasangah a liam daih tawh si a"!!?


"chawl rih teh khai! i chauh luatah i hriatna te pawh a vaih a chhâ a nih ber hi le! mah reng reng se, kan Thla em ât Chawngirha tiat ai lian mah i nih tawh ahnu hmanah, i vun êng pulh te hi mihring pangngai nia mawi lo chuan! i silhfen duang tlê deuh hluau te (Rafela leather fual), i ke-âwt (a savun boot rawng sang) i chawn puar thlenga túng ûh mai te, i bawp thawlh (a jeans kekawr) i Vaibel dawn ṭhâm khawm tel deuh ṭû mai te hi kan en kan ena, kan ṭhian thum hian engtin nge maw heti teh hrepa a inṭam khawng peih teh ṭeuh ni tiin kan ṭhen phah ṭeuh tawh a. i chutih tawh nak naka laiin, lusei chi keu thu thlah lah i la hmang vei nial bawk nen, Pu Vana sût-âwng aṭanga rawn tla thla te hi i lo nih tak dâhin tiin i silhfen mak pui pui nen hian kan bawihsawm ta ngawt che a ni e" tiin an ṭhian thuma an hmuh dan te chu a sawi ve ta a.
.
.
        Rafela chuan chupa ṭawng chu hriat theih nial nual nei mah se, a hriat thiam chiah loh ṭawngkauchheh a tel zel avang chuan beidawng ru ang reng zetin a han melh leh hram a, "in duhdan chuan kan awm phawt mai a nge" a ti sap a thuawih zetin chupa-in a mut tirna lungpui chungah chuan, a thu sawi ve-in an lakah awmzia a neih lem loh avangin ngawih rih ṭha a hre tawh chung chuan a mu ta hle hle a.
.
         A changin a sir tawn tawna kuah chung leh a changin an zawn bawma zawn chung chuan, Kham khawkrawk tak tak leh lui dam fahran lo te, tlang pang awih zet zet ngawpui duk dur mup maiin a khuh thim mup te an kalpui a chin a ni thumna ah chuan, ngawpui thim em em, ram hrui leh ṭhangin a bawh phui chut hnuai lungpui upa tak tak, lungsamin a bawh hrin zel zul leh hnawng chiap chuap khawkrawk zet zet karah an luhpuia, chu ngawpui lo thim zual an han kalpui leh deuh fe hnu chuan, ruam thuk thim em em mai lung bang sang em em in a sir kual chanve deuhthaw a khuah dum zui maiah an luh thlakpui leh ta ngat ngat a.
.
        Chu ruam tawp an zuk thlen chuan, an luh lohna lama lung bang inchhuang thuah chho tup sang em em maia ding chho ûr mai leh, km 2 lai tura thui ko phei zui mai te chu Rafela chuan mak ti em emin a han thlir kual a.
.
        Chuti khawpa ruam thuk ni si engtin nge boruak zang vawt raihin a tuam theih tih te, Ni sa lut eih lo chuan engtin nge chulai hmuna hnim leh thing te chu an duah em em theih tihte thkeng chuan a ngaihtuah nasa mai a.
an chung lam chu a han thlir chhova, chu ruam zau em em chung zawn chu sang em emah ngawpui thing zar, Chhura rual ruala upa a zar lian tak tak pawh pat-êk in rawn uai thla duah khawpa a tuam inzar phui chût leh ram hrui lian zet zet, Ui pum aia lian lian lei thlenga rawn uai phan thla ṭuak te chu hmuhnawm a ti ta kher mai.
.
       Ruam khuap tu lung bang inchhuang chho úr chu a han thlir leha, a chung sang em em mai aṭanga tui khawhthla rawn inchhawk var thla diai diai te chu a han hmu a chu hmun zet zawng khawvel khawi hmunah mah a anga upa leh mawi a awmin a hre ta lo!
a mah kuah tu a zak tawn tawna do ran tute chu a han thlek tawn zauhva, an hnunga pakhat ding lai a va en phei leh te te hnu chuan, "hei khawilai hmun nge ni min hruai luhna ruam hi"!!!?
a han ti sap a.
"he ruam khuap tu lung bang kan rala intiang zui saw kan Lalpa Darkeuva hova, kan khawsak kum khua tawhna Lung puk chhung khaw bangpui a ni a, kan va luh pawh hunah kan chin chepakai hi i hre thuai ang"
tiin a lo chhang a.
.
        Chu ruam an kal thui viau tawha ahriat hnu pawh chuan, lung bang tawp chu an thlen hleih theih loh avang chuan, "kan thleng har hle mai" Rafela chuan a han ti sap a.

"ral lehlam aṭanga i va bih liam pulh ai khan, kan Puk tual ruam dung hi a thui iak a nia" tih leh a bul vela thingṭangro fawm khawm chu a rual ta nghal a.
a ṭhainte pahnih pawh chuan, Rafela chu zawia an ṭhut tir hnu chuan, an ṭhianpa chu thingro fawmpuiin an rawn pui thuaia, an thingṭang fawm  zei zeta an tel khawm hnu chuan, a ngai te bawk chuan an kalpui leh ngat ngat a.
.

        Rafela chuan khua lah a la enga an kal tumna lung bang tawp lah a la lang ruih si tih ngaihtuahin, meichher atan an ti tih hriat zeta thingṭangro an fawm tlat mai chu mak a ti tih hriat zetin anni ho chu kal bai saih saih chung chuan a han thlek kuala, an zinga pakhat chuan Rafela hawihai hmelah chuan a zawhna ttur chu a lo man thiam thuaia, "thim chhilhin min bawh vai thial a ni titih tawha, pukpui bang saw chil chhak phak mai a la ni lo ve" a rawn ti ta sap a.
.
.
        A thai tleirawl date tur leh puppet ho pawla, an ralrel an chet fuh ngei theih nana tel tuma Rafela thang chin chu ni 13 lai a ni ta!
Bibi chuan Zela leh midangte chu meng dul raih chunga en kual dan dan chung chuan, "ni 5 chiah thang tura ruahmanna siam a ni ngei a, puppet pawl enge maw ber hi a zawm tawh turah ka ngai nghet viau.
mahse, vawiin hi chhuah ni aṭang khan ni 14 na tur a nih avangin, chanchin min hrilh zuai tura rawn let lawk hi chu a hun viau a ni" a han ti zawi sap a.

"ani hi chu a tlachawp pawha chet la zui hrep thei a nihna hian a mahah confy na a pe nasa a, puppet ho kawpui a luh hnu hian en fiah tur ṭhate a hriat belh zel anga a spy zui ta zel a nih ka ring deuh" Zela chuan a rawn ti ve var a.
.
Zela leh Bibi te titi chu midang chuan an ngaihdan te sawiin an rawn zawm ve thuaia, Chacha ngaihdan erawh a hrang ta nalh mai!
"moon gate hi puppet ho leh Army te'n an rawn luh chhuah thuai tawh dawn tih hi Rafela hian a hre hmasa bera.
heti chung hian, tun thlengin keini ho hi min rawn Signal leh lovin a bo pil reng thei ang maw!?
puppetho hi a va zawm tawh ngei anga, heti chen chen erawh a tui zuiin ka ring thei tlat lo" a ti ta tlat a.
.
       Chacha ngaihdan chu an han sawi khawm leha, an ralrel thiam ber leh midang ngaihtuah ber ṭhintu Rafela chuan, chuti chen chen anni ho chu a bo san rin lohna chu Chacha ngaihdan ang chiah chuan a lian chho telh telh a, an han sawi rei deuh hnu ah chuan ni 3 nghah leha, a la rawn let lo anih chuan an vaia Paletwa khawpui chu Rafela zawng tur chuan luh ve rawih mai an ti tlu tlang ta a.
.
        An rel dan chuan; Paletwa khawpui an luh veleh Rafela thai tleirawl date pui inkhuarna hmun an zawng chhuak anga, chu thai tleirawl bulah chuan Rafela chu a lo awm tawh lo a nih chuan, a chanchin an zawt fiah anga a ṭul chuan an that zui nghal ang.
chu tleirawl aṭanga hnu chhui hna an ṭan dawn avang chuan, an vai chuan Signal mumal zawk an mamawh ngei dawn tih an hriat avangin, a hmasa berin an awmna chin Internet aṭanga an rawn chhui chhuah an hlauh avanga, moon gate an thlen tirh ata an hman duh tawh loh mobile phone lei chu an tihtur hmasa ber a ni.
.
        Ṭhiante phatsan ngai lo Rafela hnu chhui a ngai ta tlat chu Agent71 te chuan an chet tawpna tur a ni thei tih an hre chiang bawka, an kawng dal thei reng reng chu tu pawh nise thah hmiah hmiah zel chu a ngai dawn tih an hre ṭheuh a.
chuvang chuan, Paletwa pan tur pawhin a huhova kal lova Paletwa chhun lut tu kawngpui invet ruih chu an pawh thlak hnu ah, chu kawngpui dunga thingtlang khaw pakhat tereuhte te awm chu pawl hniha insiama a hrang ve ve luh an rawt a.
an tum anga an awm thei a nih chuan, chu thingtlang khua aṭang chuan, Paletwa khawpui pana khualzin Motor lut zut zut reng te chu a hran ve ve-in an lo phar anga, Motor hran vekin Paletwa chu an lut dawn a ni.
.
          An hun tiam chu a rawn thlenga, zing fira chhuah tumin an insiam ta sap sap a.
Zela leh Bibi, Chacha leh Zamtea te an kal hrang anga, Zela, Nuna, Hruaisanga te ho an inzui bawk dawn a ni.
Puppet ho ralthuam Silai leh hriam an lak sak hnem tawh bawka, Silai lian zawk te chu dah ṭha-in hnawksak lo tur Pistol changkang zet zet leh kah nâ, EAA witness - elite match 9mm leh Glock gen 4 leh te chu ṭhiat darhin, a mu tam tawk nen an Boot hnuai leh jacket ban karah te chuan an pai zaih vek a.

CRYSTAL HILL, BUNG 5

CRYSTAL HILL, BUNG 5
💱Recap
"Zela chu a ngaihtuahawm lutuk lo ang chu maw?
paruk chu chiang zetin kan thata, a dang zawng chu um zui hman loh khawpin an tlan bo hman tlat mai.
an Bag erawh chu kan lak sak deuh vekin ka hria a, Silai pawh min rawn ken sak ṭha viauin ka hria" Bibi chuan a han ti sap a.
Rafela chuan Zela chuan thisen a hlauh hnem deuh thu leh an chet dan a phuai lek lek thu te a sawi hnu chuan, an vai chuan moon gate luhna khan hnai zawh chuan thawm dim zetin an pil bo ta diak a.
.
Llpa rokhum//Kalayam Ngawpui hnuaia puppet pawl thum infinin ruihhlo an tawlh laia lambun an tawk leh ta tlat leh,  an mi leh sa te zinga mipathum chiah dam chhuaka an kir ta mai chu puppet pawl pathumte chuan an palzam leh ta lo kher mai a. a hnu deuhva khan dang zawha an kal lahin a ngaite bawkin suam an tawk leha, a lo suam tute lah an pianzia leh chetphung hriat chian hleih theih lova thim lai chuha lo che an ni ṭhin si!
chung boundary fighter ho huaisen dan leh an chet zei dan em em te chu an sawi khawm awl lo hi a ni ngawt tawh a.
mahse, Kalayam ngawpui hnuaia an chet chhiat leh hle aṭanga thla thum dawn hnu lama mahni pawl te te a ruihhlo tawlh hna an han thawh leh hnua suam an tawh leh tak zeuh zeuh hnu chuan, chung fighter ho zinga insual leh Silai kah thiam zet pakhat hmel leh pianzia chu an hre thei ta hlauhva.
chupa hmachhawna that tur erawh chuan, Assasin emaw fighter ṭha mi 40 aia tam mah an tirh chhuaha, boundary North leh South leh a chhehvel zawng zawng chu dapa fimkhur tawpa chet an lak ngei a ngai dawn tih a hre chiang viau a.
.
          Pathein gun te'n an thu hriat chu pawl hnih dang Lion leh Taunggyi cat te chu an hrilh hre thuaia, an hotute an inbiak hnu ah an ralrelna buru zet chu an ṭan ta mup mup a.
an tumah an chiang bawka heng pawl pathum hotu mihring rawngra leh hrat khawkheng Lion ho hruaitupa Maungty, Patheih gun pawl hotupa Chingzan leh Taunggyi cat pawl hotupa Mungtalay te chuan, boundary fighter ho zinga a pianzia leh hmel an hriat chian chu a nung chunga mana midang ho tawmna leh engkim chu dawp chhuah fai vek an tum hle a.
mahse, an mi bitum tur pa hi Agent71 hotupa Lusei Tlangval rothap leh kawlh zet Rafela a ni tih hi hre ta se an man theiin an ring kher a nge maw!?
hetia ral an rel mup mup lai te hian, ruihhlo tawlh pawl lian leh hausa tih takaha an kut aṭanga an lak sak Silai changkang zet zet leh hmanraw dang zawng zawng pawh anni aia belin Agent71 ho hian an lo hmang thiam leh hman vek tawh tih te chu puppet ho hian an hre lo hle a ni.
.
      Kalayam ngawpuia an chet hrep hnu-ah pawh, vawi thum lai khan dangah an chet leh tawh avangin Rafela chuan an kum tluan tla Tiger brain an chhek tawh tih hre rengin "puppet ho hian, kan hnu leh engkim hi hriat an rawn tum viau tawh tih a lang reng a. hei vang hian, kum tluanin kan tawm bo rih anga, chumi chhung chuan kan hriam leh Silai te hi hman dan kan zir belh sauh sauh ang" tih leh a dinna piah lungpher chunga Sniper rifle changkang zet SVD Dragunov 7.62mm melh zauh chu a han rual a. 
.
       Rafela rawtna chu an pawm tlang bawka, damkawr hlawt Zela pawh a kik ngun ta var var hle mai, "an khan zawng zawng kan hre ru khiau tawh tih an hriat avang hian, puppet ho hian khan dang reh an tum ngei anga.
chung an ṭum hreuh thar enthlak paha khang Rifle kan laksak hlim hlawt te han tuai vel kha ka chak ta kher mai" tia a phun ve sap sap lai chuan, midang zawng chuan nui ṭha chungin an lo fiam laih laih a.
.
         Chumi zan a han mut tirh phat aṭang chuan, Rafela chuan a rilru chu ngun taka kawm lehin Apinya kawm tura a tuk varṭiana Paletwa pana chhuah chu a chak ta tlat a.
hei hi a chhan pakhat chu; puppet pawl thum te inkhuarna tak hi zawn hmuha  eng pawl emaw ber chu zawma, an ruihhlo tawlh dan engkim hriat ruk zat zat theih chu a duh tlat a ni.
.
         Chuta tan chuan, a la ṭangkai takin tia Thai Nula Apinya a ngaizawng hi hmanrua ah a hman tlak dawna a ngaih leh tak zel avangin, ani hmang hian puppet ho chu an thuruk nen lam a hre thei anga, a duh hun hunah an ro chhek nen lam a rawk darh vek theiin a ring hial renga.
mahse, a tumna hi hlawhtling tur chuan, Paletwa ah Apinya a cham chilh deuh hlek a ngai dawn tih a hre chiang bawka,
chutak chu chhun lama a ṭhiante bula rawtna a siam, kum tluan tla Tiger brain ber an neih tawh avanga tawm hahdam rih a rawt phahna kha he a thil tum tihna hun a nei thei dawna a hriat vang hi a ni leh chiah a.
Rafela meuh zawng mihring thluak advance em em a nihna chuan, a ruahmanna a han set kual danah te chuan ralrel thiam leh fing zet a nihna a lan chian tir leh ta hle mai. a ṭhiante hnar sak sak lai chu la harh fim kar chung chuan a melh kual zauhva, chutia en kual dan dan pah chuan, "helaia kan duh ber chêna kan inkhuar achinah hian kumli na tur kan hmang leh lek lek chu a ni ta! ka ralrel leh tur hi kan hlawhtling a nih chuan, puppet pawl thum te hausakna hi kan rawk dâ vek anga tuma chhui chhuah theih loh turin keini ho pawh hi chan inzat ṭheuh la in kan inṭhen darh tawh tur a ni" tia a phun sap hnu ah mutthilh tumin a chhing ve ta vang vang a.
.
           A tuk varṭiana an meipui chheh ling vam sen raih hma taka lo ṭhu kun lap Rafela chu Bibi harh hlawl chuan mak ti zetin a han melh pheia, "i mu thei meuh lo em ni" tiin a han be zawi sap a.
Rafela chuan Bibi chu lo hui vat pah chuan "tum dan thar ka neia, ka la ngaihtuah fel chiah loh avangin nizan khan ka hrilh ta lem lo che a" tia a chhan hnu ah a bula Bibi rawn ṭhu chiah chu fim zeta melh chung chuan, "vawiin chu ka Apinya ka va hmu dawn a, zan nga ka thang dawn tih hi hrilh che ka duh a ni.
puppet pawl pathum te hi an inkhuarna hmun ka va hre fiah anga, chumi hnu lam chu mahni duhna ṭheuhvah kan kal darh a ngai tawh maithei Bibi" a han ti zawi sap a.
.
         Rafela thusawi chuan Bibi chu a barakhaih deuh nge ni "bul kan ṭan dawn chauhva, pawl lian tak din chhoh sauh sauh ka lo rilruk a sin" a han ti a.
Rafela chuan Bibi a ngaihtuahna chu hrethiam tak chuan a han nui saka, meivam ling sen hlap hlap ena a ngawih leh vang vang hnu chuan, a lu chu thing nar nar chungin a rawn dak chhuak leha Bibi chu hnai deuh zawka rawn en leh ran chung chuan "hetia kan inkhuar ruk a chinah hian kum li na kan hmang leh dawn chiah a.
tu pawh hi mahni inveng zat zat thei khawpa fighter ṭha leh shooter ṭha kan ni vek tawh a ni" a han ti a.
Bibi chuan enge a sawi tum a chu a la man mai loh avang chuan, hrilhai ang reng zeta Rafela la melh reng chung chuan "gang lian tak kaihruai thei khawpin i ṭha tawk Rafel" a han ti tawp mai a.
.
          Bibi thusawi chu Rafela chuan reilote a ngaihtuah leh vang vang hnu chuan, "ka duh aiin moon gate hi Myanmar Sipai leh puppet ho hian an rawn hnaih tawh" a han ti leh a.
.
           Chu thu kher chu Bibi chuan a lo la hre hauh silo!
"moon gate rawn hmu chhuak tur hi chuan a ngawpui pum hi an dap fe chu a ngai ang" tiin a han chhang let vat a.
mahse, Rafela thu rawn sawi zawm lehna chuan Bibi chu a ti hnual ta raih raih hle mai!
vawi thum lai moon gate hnuai lung khawkrawk kar hnai zet zet chu Sawrkar Sipai leh puppet hovin an rawn lut thleng tawh a ni tih te, thla tam a liam hmain moon gate chu an rawn pawh tawh ngeia a rin thu te Rafela'n a hrilh takah chuan, "an chezia chu nang chiahin i lo hria a nih chu le!
keini ho lah kan thlamuang der der si a" a ti hnual ta raih a.
.
         "helai thleng thleng an rawn luh tawh avang hian, boundary north emaw south emaw, khawi hmun mah hi inkhuar nan a him tawk tawh lo Bibi.
puppet ho lambun leh fo tur chuan, boundary hi kan hnaih reng a ṭul si a. hla tak aṭanga ralrel tur chuan chet ṭhat ṭum aiin chet chhiat ṭum kan ngah tawh ngei ang. chuti anih chuan, tu ber emaw, kan vai emaw hian kan thi awlsam hle tawh ang. puppet ho kuta thih emaw inman tira insawisak hlum tir ai chuan, a tawp nan ral vawikhat kan rel leh ang" tiin engkim a ngaihtuah lawk thu te chu Bibi chu a hrilh tlang ta vek a.
.
           Khawfing a chat ṭana, Rafela te ṭhian dun titi pawh midangin an rawn zawm takah chuan, Rafela chuan a tum dan leh Agent71 tawpna tur chu tlang takin an vai chuan a hrilh ta hmiah a. mahse, an vai chuan inṭhen darh an duh lohna thu bak an sawi loh avang chuan, Rafela chuan fiah zawkin puppet pawl thum te bu zawlah an luh huna an rawk theih chuan, Gold leh Diamond thlenga an hausak lawih na tham tur an ruk chhuah theih a rin thu te, pawl ruka inkhuar reng ai chuan chu chu an mimal ṭheuh nawmsakna tur a nih thu te leh an him tlan zawkna a nih tur thu te chu a sawi nawn leh ta vek a. 
.
         Chuta chinah chuan, an vai chuan Rafela rawtna chu an pawm tlang tih an sawi sap sap a, moon gate ber a him lo thuai tawh dawn tih leh boundary hmun tin chu Myanmar sawrkar leh puppet hoin an chil phul thuai dawn tih an hriatna te chuan, an vai chuan inṭhen darh lo theilo an nih thuai tur thu chu a hril chiang hle tih an pawm tlang ta viauva.
mahse, Rafela rawtna angin moon gate chu lo thlawn taka  rauhsan ai chuan tiin, Rafela'n puppet ho chu a va zir chiang sauh sauh anga a tawp nan tu pawh chu hausa lawih khawpa an inṭin theih nan, puppet ho rawk tur chuan beihpui thlak an tum nghet ta a ni.
.
        Apinya chuan Rafela chu thlahlel tih hriat zetin a melh vang vanga, chutia a melh vang vang lai chuan a hmui nung vam ham mai chu a khur deuh der der bawka.
Rafela lah chuan chuti khawpa Apinya zam leh zak chaih chaih lai chu tawp san ta nge ti bik hek suh!
"tun ṭum atan chuan, i bula ni nga tal ka awm hi a ngai a ni" (an inbiak tawn ve theihna english) a tih pah chuan,  Apinya night dress kawr darbahlek var pan em em chhana, a mawng mawr vawng taih mai khuh tu a panty pink color thla lang kalh leh a hnute kawh lian zet hmur zum no zet rawn pir vah chu a han en tawn zauh zauhva.
.
        Hmangaihna dik taka a hmangaih tawh laklawh Rafela mit vir tawh zet chu Apinya rilru thianghlimna chuan a ngaimawh phal tawh bik tlat lo!
"raf, thla khat chiah hun ka nei tawh a. in ramah chuan min hruai ve dawn em"!?
a han ti sap a.
Rafela chuan chu zawhna chu chhan har a ti tih hriat zeta thawk hak pah chuan, "zan a rei tawh, muhil phawt la kan la sawi ṭha leh dawn nia" tiin a chhang ta ngawt a.
.
       Apinya chu Rafela chhanna chuan a ti lawm hran lo hle tih a hmelah a rawn lang vat a, nghet zeta kuah leh chawih chawih chung chuan, "khawngaihin min bum suh aw, nangmah avangin ka inrintawkna zawng zawng pawh ka hlauh mek hi" a ti leh ta sep a.
.
       Chutah zet chuan, Rafela chuan Apinya chu hmanraw pakhatah hman mai a tum tih chu a thinlungah chiang viau mah se, an hun hman dun mek ni nga chhung bak dam chhunga a kalsan hlen tawh tur chu hrehawm tihna ril tak nei chung chuan, Apinya tisa nem nêl thep leh mawi em em avanga a thisen zam kawi tin ṭang tawh zet chu thaw halh halh chung chuan thunun a han tum a.
mahse, Apinya'in no em ema a hmui nung vam ham mai kau hiau chunga a rawn chhoh en reng avang chuan, Rafela chuan duhthawh zetin a zuk dut nawn sak saka, chutih pah chuan a kut hlei tawh zet chuan Apinya awm bawr no leh kawh lah mai chu hmeh sak ne ne pah chuan, a hmur zum vat mai chu dim leh duat zetin a hrual sak ta ner ner a.
.
       Rei lovah Apinya chu a rum ṭiah ṭiaha, Rafela kut pawhin a bitum lai chu dimna neilo zetin a hrawm nâ tawlh tawlha, mattress chhah nuam zet chunga an tluk dun hnawk chinah phei chuan, Rafela taksa pum chu khuhtu eih awm tawh lo chuan a Genesis suit huai tawh mai a.
Apinya lah a panty thehlep zet chuan a la chhanhim ve hram hram e tih bak chu a tisa mawi zet khuh bo tu tur chu awm tawh bik hek suh!
Rafela hmui chuan a irno zet chu a rawn dut lum thla ham ham a, ṭanna hman awm lek lovin rang leh nâ taka a sep dawrh dawrh a awm bawrah chuan bu khuar tum niawm tak chuan a tang ta chat a.
.
      Hmeichhe 'aw' no nalh zet rum ngher ngher chu a tisa suasam mek tu chuan tawp san tum lo zet chuan, hneh zetin a kut pahnih chu mattress khuar dawk khawp chuan a rawn nem bet sauh sauha, a hmalak mekna chu tawlh san hlekin hnuai lam zelah thaw lum ham ham chungin a hmui chu a tawlh thlak tir ta deuh deuh a.
.
        Rafela hmui leh leiin a duhna hmun tak a han thlen rual chuan, Rafela'n a kut a nem beh sak tlat chu zawi hnalh tawh chung chuan Apinya chuan a han tal chhuah san thei hrama, a tal chhuah veleh chuan Rafela sam kar chu hmui chipa ngik ngher ngher chung chuan a zuk ṭham sak ve tan tan a.
chuta ṭanga reiloteah chuan Rafela chu Khuma ṭhingṭhi chung chuan van lam hawia dakin a thaw huam huama, thawklehkhatah a ban tha chak zet chuan Apinya chu a zuk pawm thuta, a bawkkhup zawnga a keuh hnawk hnu ah a dar no paw phek mai chu a sam kawi chiat huih sak hliau hliau pah chuan a fawh kual sak ta dan dan a.
Apinya chuan a bengkawm no zet Rafela'n a hnung lam aṭanga a rawn seh sak ner ner lai chuan, maimitchhinga hmui khur dat datin a thlê deuh hnap a.
chutia a thlek ngik feih feih lai chuan, Rafela chu a che deuh sawka chumi rual chuan Apinya pawh chu no nalh zetin insum tak siin a ṭe deuh ṭhat a.
.
         Rafela chuan Apinya nithum a cham chilh takah chuan, Thai nupa tuak thar zin khawthawng ang chiaha an lanna avanga duh duhna hmuna tei kual nitin an nihna te, an duh zawng tupawh an biak kual zung zungna aṭangte chuan puppet pawl hnih Taunggyi cat leh Lion te inkhuarna chu Rafela chuan a hre chiang ta viau a.
puppet ho zinga pawl lian ber Tunggyi cat ho chu Shwebo khawpui daiah an inkulha, Lion ho erawh chu irrawdyy lupui chhak lamah an inkhuar avangin tlem chuan anni ho chu pawh an harsa zawk dawn tih pawh a hre thuai a.
Taunggyi cat ho zingah hian intah luh phawta chuta ṭanga Lion leh Pathein Gun ho chanchin zir ṭhat leh chu a tihtur hmasa ber a ni tih a hre chiang viau a ni.
.
       Hun nei tlem viau tawh mah se, Taunggyi cat ho mi leh sate zinga pahnih chu a kawm nel hman viau tawh a.
anni lahin Rafela thluak leh fin chu chelh hek suh le!
Apinya nen an zan hnuhnung ber tur âm zeta an hman hnu, zanlai pelh tawha Hotel waiter-in pawn lamah mipaliin an nghah thu a rawn hrilh lai chuan, thiam taka an pawl zinga intât lut tura a biak hmin tawhna chu Agent71 te tan thil pawimawh tawp a nih zia leh fimkhur erawh a ṭul hle tawh tihte chu a ngaihtuah nawn rauh rauh a.
.
        Zing lam Dar 2:30pm velah chuan, Apinya'in thlahlel zeta kuah chial chunga a la muhil sek sek lai chu dim zetin a biang a zuk fawh sak zauh hnu ah, lehkhathem tereuhte hi a lukhamah chuan a dah te te a muangchangin a thova a Leather fual tight ṭengṭawng chu a han ha a. jeans dum dak hlerh hlawrh a hak leh hnu ah combat boot a han bun leh a, chumi hnu chuan a Pistol hman thiam cz75b chu a kawng veilamah a han thiata, a boot rawng dinglam karah chuan vawitam puppet ho a lo talh tawhna dagger hriam zet chu a han thawlh lut leh zâl zâl a.
.
       Apinya a en leh vang vang hnu chuan room kawngkapui chu dim zetin a hawnga, corridor vawt phei ruihah chuan kun ngal chungin a pen chhuak ta chhat chhat a.
.
         Corridor tawp a thlena guard lo ṭhu kul khan kawr awma enge maw a thun zauh hnu chuan, guard chuan i he lovin gate chu a hawn sak vata lift awmna thlenga a hruai hnu ah awlsam te-in lift chhungah chuan Rafela chu a lut ta nghal a.
.
         White star hotel tual zawl zau zet hungna bang sangpui piah Gate pui epa, Car dum lian zet ding chu Rafela chuan din dat pah chuan a han thlir vang vang a.
chutia a din det lai chuan, Car bula mi pahnih lo ding te chuan an rawn hui zauhva an bul ava thlen chuan, Taunggyi cat zinga a lo hriat lawk tawh pakhat zawk chuan English bah nakin an inkhuarna hmunpui ber Shewbo khawpui pana, an pawl zawm tawh tura rawn hruai an nih thu chu an sawi zawi sap a.
.
        Rafela chuan an tlanna kawngpui ngil zui chu ngawi rengin a ena, a rilu ngaihtuahna chu a sawrbing viau tih a hmelah chuan a lang chiang hle a.
km 7 vel an tlan tawh ang tihah chuan, a rilru ngaihtuahna-a a ngaihruat ruk deuh reng chu a dikna a rawn lang tlat mai!
Driver chuan Car chu In lian zet zet inkar thim ruih chhungah a khalh luta, an ding fel chiah tihah chuan a hnung chiaha ṭhu chuan a tukkhumah chuan Silai ngul a rawn hawlh chilh ta run mai a.
.
        Chutia che miah lova hawlh chilh chunga a ngawih ran lai chuan, Car front seat a ṭhu chuan "boundary fighter ho zinga kan hriat chian i ni a.
kan kut aṭang hian him taka i chhuah beisei suh" (English bak nakin) a rawn ti zawi sup a.
.
        Chu pa thusawi chuan, Rafela chu a ti zam eih lo tih hriat zetin thim zinga an hmel hmuh theih mang lohva a mah hual ping hneh zet chunga Car chhunga ṭhu te zingah chuan, tu chu nge sut awng rem ber ang tih chu a ngaihtuah san hmiah mai a.
.
       Tun ṭum atan chuan, a ralrel a sual hret a ni tih chu hrilh nawn a ngai lo bawka hun pawh a nei tam lo tih Rafela chuan a hre chiang kher mai!
vawi tam tak puppet ho an lambunna ah khan, a ṭhiante chetla lai thununa an ṭanhmun siam rem sak tura a chet ṭhinna ah khan a hmel leh pian zia hi puppet ho hian an lo hre hman a ni tih pawh a chiang hle a. a tukkhuma Silaia rawn hawlh chilh rengtuin Khawchhak ṭawnga riat nawk nawk chunga a rawn nawr nât viau tawh lai chuan, a sira ṭhu pakhat an pawla a tel theih nana a lo kawm ruk fo tawh chuan handcuff a rawn phawrh ri raka, a kut chu dah chhuak turin a rawn hrilh nghal sup bawk a.
.
        An boruak tawn ṭang em em tawhah chuan, Rafela chuan a kut chu chu pa lam hawi chuan phar chhuah tumin a han insiksawia, Car seat ah chuan hmalam zawnga insiksawi paha a tawlh hret hnu chuan, a kut pahnih chu rang em emin a tukkhum lam aṭanga Silaia rawn hawlh chilh tupa lu zawnah chuan a ban chho thuta, chu pa tukkhum sama a han ṭham fuh rual deuhthaw chuan nâ zetin a kuai bu nghal lawpa chutia a rawn bu thla chu a luchhip chuan ṭe tuarh khawpin a han do ri chawrh mai a!
.
      Chuveleh midang chu an rawn che nghal suauva, Rafela erawhin a kê chu Car hood chung lamah chuan a intlawh khalh chho zui vata, hnung lamah a bingbileh luh daih tawh avangin tumah chuan rawn ṭham fuh tawh hlawm hek lo le!
Car seat hnunga nâ tuar chunga a mah tin tu pa-in a hmai thi hnuang mai hupa a lo la kun ngul lai chu a banah a man sak lawpa, a Silai hum lai a phih thlak sak rual chuan Car chhung chu Silai puak riin a nghawr zui ta dawt dawt a.
.
       Car kawngkhar ngheng hawng rawp rawpa puppet ho an tluk chhuah nawlh nawlh lai chuan, Car chhung hmalamah chuan Silai a puak dê zuaih zuaiha, Rafela ṭanhmun Car hnung lam glass chu a keh per ve ta chuai chuai a.
mahse, Rafela meuh zawngin a Silai chhuhsak chauh lo pawh chu puppet ho chuan Silai dang an pai fur dawn tih chu a hre chiang tlat.
a kut ding lama a Pistol Cz75B hum lai leh a kut vei lama puppet pa Silai a chhuhsak Uzi short barrel zang derh dawrh hmet puak leh ṭhuai ṭhuai chung chuan, Car tailboard chu Car seat-a a zangthal zawnga mu tlat chung chuan a tlawh hawng rawka rang zetin a pût chhuak ta zawk a.
.
        An dinna building pahnih inkar thim zeta an tlan luh tirhna lam pana a tlan phei hret hnu chuan, a bul veilama barrel lian zet zet lo inhung karah chuan a lut zauhva thawm ngaithla-in second sawm vel a han chawl zawk a. an chuanna Car lam aṭang chuan thawm lian engmah a hriat loh avang chuan, ngaih ṭhatna kawng khat chu a nei ta phawta, thaw hruam hruam   thawm leh tawlh ri hruih hruih thawm erawh chu chiang zetin a sir hlam sawm vela hnaiah chuan a hre zui zat a.
.
      An vaiin a that vek hman lo tih a hriat avangin a lam pana, hliampui tuar rawn tawlh mek pawh chu Rafela chuan va that tura inlan kher chu a him hauh lo tih a hriat chian avang chuan, a kah fuh loh midang biru bo ho chu veh let tumin a tawmna barrel phen aṭang chuan kawng tan zawng chuan a han tawlh chhuak a.
mahse, chutia thisen ṭang at chunga kawngpui lehlam sir a va tawlh thlen hnu chuan, a beisei loh tawpin a tira an tlan luhna lam aṭang chuan tlan thawm a rawn thum phei ṭak ṭaka, rei lovah a bul lawk lawkah chuan Silai ngul lek tle zauh zauh chungin thim zingah chuan an rawn tlan thuak thuak hlawm a.
.
      Chutah zet chuan, puppet ho chuan a mah an hriat ruk avangin an pawl zawm tura Car a an tlan chhuahpui hnu lawk khan an mi lehsa dang tam zawkin an rawn zui ru daih tawh tih te, chung ho nen chuan helai hmunah hian phuar hlawm te te a an hmunpuia dawp hrep an tum tih pawh an hawlh chilh laia an kah hlum mai loh danah khan a man thiam ta kuarh a.
mahse, an that mai ta lo kha an chet sualna a nih bakah, an mi hriat chhun hi Rafela a ni tlat! a nung chunga man an tumna lamah an mahni aia fighter hlauhawm chu puppet ho chuan an chhuah palh ta tih an inhre chiang tawh ngei ang!
.
      A rei telh telha puppet ho chuan a tawmna chu an rawn hnaih ṭan ta viauva.
chutihlai chuan, midang pawh an rawn thlen belh zela, rei lovah chulai building pahnih ṭhut hmun zawng zawng chu an rawn dap a ni ta mai a!
Rafela chuan a tawmna chu khawi lamah nge biru zel chunga a tlan chhuahsan dawn!? tih chu a hriat mai loh avang chuan, a piah maia thawm rawn ri sat sat leh a hnu lawka chu thawm rawn chhuahna lai chiaha Silai ngul rawn tle zauh zauh chu che lo lek chuan a ngaichang ran mai a.
mahse, chutia a lo nghah lai chuan, rang zetin chu thawm chu a reh hmaka, thawm a reh rual chiah chuan a bul hnai zetah Rifle a rawn puak dê ta ṭhawt a.
.
Silai muin a jacket dar dinglam a rawn thawi ṭhawt hnu lawka a zak chhung lama thisen rawn luang lum thla ham ham chu Rafela chuan, a thlang lam In ding thla thluah kawmkar lama tlan leu zak zak chung chuan a han zen zauhva, a ban a la chet theih avang chuan a thapui zam erawh Silai mu chuan a khawih tel lo tih a hre thiam mai a. a thisen a chhuak  tam telh telh tih chu a zawi ruk tak tlat danah chuan a hriat avangin, kawmkar biru deuh lai ṭhut chawlhna tur chu a melh pah thla zel a, a Silai pawh rem takah target a rawn lang a nih loh chuan hmeh puah a tum lo hle a.
mahse, a mah rawn um tute chu an rawn hnaih tawh em avang chuan, hmun him deuh nia a hriat pawh chu tlan pel zelin Paletwa khawpui daifema thingtlang khaw changkang fahran lo tak kawm kar an in umna hmun chu pil bo san vata, ngawpui kara a bihruk mai loh chuan a tan hmun him a awmin a ring ta lova.
.
        A rilru a siam fel ta bawka, bihruk kual tum tawh lo chuan chu khaw dai ngawin a zar pawhna hnai lam niawma a rin chu thim zingah chuan inpal tlu nawk nawk chung chuan a pan zela.
khaw dai a luh hnuah erawh chuan a beisei loh zetin puppet ho chuan Silai mu an rawn thlahdah ṭan ta kher mai!
khaw chhungah kha chuan, khaw mipui te an ti ralkhel anga sawrkar lam an pun mai hlauin Silai an lo hmet puak ngam bik vak lo a lo ni tih hriat zetin, ngaw kar an rawn tlan luh ve chinah chuan a hnung lamah chuan puppet ho chuan Silai an rawn hmet tuarh tuarh tawh mai a.
.
       Chutah zet chuan, Rafela pawh chuan thing leh lungpui te bel pah zelin Silai rawn dêt hnaihna lai lai chu a lo chhang let ve zauh zauhva, a khat tawkin nâ tuar ṭe thawm pawh chu ngapui karah chuan hriat tur a awm ta zauh zauhva.
.
        Chutia puppet ho Silai rawn hmet puak chhang let ve zauh zauh chunga chu ngaw pilril zet a luh hnu pawh chuan, puppet ho chuan kian san mai an tum lo tih hriat zetin an la rawn um zela Rafela tan chuan thinthi a tawm hmun zawnna hun a tlem ta zawk tial tial a.
chutah zet chuan a thihna hun chu a rawn thleng hnai ve dawn ta nia a hriat tak hial avangin, a hnuai lawk leiminna hnu awih zeta hmu leh hmu lova a tawlh thlak puat puat lai chuan, a tawlh tawpna na ah bawkkhup chunga lo hmachhawna thih chilh law law chu a tum tawp tawh a.
mahse, chu leimin awih zet tawp a tawlh thlen hnua inring tawk zet chunga a lo chan khiau lai chuan, puppet ho thawm chu a reh diaka an Silai pawh an rawn hmet puak ta miah lova.
rei fe a nghah hnu pawh chuan, an thawm a reh vang vang avang chuan inthlahdul deuh hlek chunga a bawh vang vang hnu ah, khawfing chat tur rawn inṭam thlifim tleh heuh heuhin a rawn chhem her her tawh lai chuan a thlang lam ruam pil zawkah chuan a vak lut thla leh ta a.
.
        Zing khua a han vara, rem lo zeta a tluk rengna thingtuluang lian zet leh lungpui inkar zim zeta la inzep saisir reng chung chuan, a khup na tur ut ut chu Rafela chuan meng mang lo chuan a han dap thuai a.
.
       A jeans khup ṭet thla hnuang kara a khup ruhchuktuah chung chiah lo kau hak chu zan lama puppet hoin an umna lama a tlukna ah khan a sawh hliam a ni tih a hre thuaia, chutia a harh fim rual chuan a dar hliam pawhin a lo zûk nâ vang vang nghal hle a.
.
       Thinrim ṭang ata muangchanga a thawh hram hnu chuan, a jacket chu a han phelha kutphah beng deuhthawa thuia a dara Silai muin a thawina lo thler pêh duai chu a en chian hnu chuan, a thisen fim lo la hnam ṭiam ṭiam chu a tshirt chuan a han hru fai thuaka a inhak ṭhat leh hnu chuan, a luhna ngawpui chin chu hriat tum zetin a han hawi kual vat vat a.
.
      Bai deuh titih chunga a thlang ruam thim zawk a luh leh hram hnu chuan, luite dam zet leh biru zet bulah a han ṭhu chawl leha mei nun tumin hnah ro leh thingṭang a fawm ta sawk sawk a.
mei a nun hnu chuan, a Dagger (Chemte) chu meiling karah chuan a thawlh lut ta a.
chumi hnu chuan a jacket leh tshirt chu a hlip leh te te a, a Dagger rawh ling lek lek tawh chu a dar vunpui chat karah chuan a tin renrawna ri sar sar khawpin a hliam laiah chuan a indep ṭhen ta chak chak a.
a vun kak lai a deh sawr a piang chuan a hmuamhma vun sawr chu a hmet chip zela khawr ṭût khawpa a han deh sawr meuh chuan, a mit hmuh a rawn vaih chhulha a ṭhut hmunah chuan a zangthal zawngin a tlu ta hnawk a.
thaw kawk kawk chunga a mut vang vang hnu chuan, zawi muangin a han ṭhu chhuak leh a a bul vela Sadaiek thar lam deuh chu a dar hliamah leh a khup hliamah chuan a bel leh te te a, a tshirt chu a hlep ṭhena a tuam ta mawlh mawlh a.
chutia theih ang anga a hliam a enkawl zawh hnu chuan, luite kam lungpui biru deuh kar remchang laiah chuan a mu chawl leh riha, a taksa chau leh hliam avang chuan rei lovah tui zetin a muhil ta vang vang a.
.
         Rafela harh thut chuan, a awmna ngawpui chhah thim em em mai chu mak ti zetin a han chian kuala, a hma zan lama a luh thlakna sulhnu te chu a chhui hlei ta hauh lo mai a!
Paletwa khaw dai fem kha a inchhui thlen leh theih chuan, zan a nghak thleng anga Paletwa ah a lut leh mai ang chu tiin tum dan fel tak a nei chung chuan, a sulhnu ngaiah hlir chuan a kual luh leh zel avanga a beidawng thin so deuh balh tawh chu khua chuan a rawn thim hnan zui ta hial a.
.
        Rafela tan chuan ril takah a bo ta tih bak chhut fiah leh tur dang a awmtawh tlat lo!
a bul vela thei rah a hmuh ang ang leh Changpui bul te a ei nual hnu chuan, a khaw chuanna chin aṭanga khaw thlang lam nia a hriat hawi chuan zan thim chu a him zawk tih hriain a kal ta ngat ngat a.
mahse, a thleng ril tulh tulha, a luh chin ngawpui chu a bo chiang ta telh telh a.
.
      Ni thum ngawt ngawpui hnuaia a vah chinah chuan, an Puk awmna ngawpui hnuai chhah zet ai pawha ngawpui chhah leh thim, a hnuai leia hnahthel tla tling ten tun pawh lungsam leh maimawm rilin a bawh phan chiat chuat khawpa ngawpui upa daidar loh chu, Rafela te ang tlangval vanglai zek zawk, tawrhchhel leh huaisen tan pawh dam khaw chhuahpui a har dawnin a lang ta hial mai!
.
        State boundary hmun tina ngawpui kar a luh reng rengin rei tak bo ngai silo kha, he ngawpui danglam zet duk dur khup mai karah meuh hi chuan Rafela hian khua a chuan ngial pawhin a kal zui zel dan tur engmah a ngaihtuah dik hlei thei tawh tlat lo!
thui fe a han luh leh pawh chuan, a meichherin a ên phak chin tawk ngawpui hnuai reng reng chu mihring te la luh ngai reng reng lohna ngawpui a nih zia chu a hriat telh telh a, a tuk zing Ni chhuak takngial pawh hmu pha tawh loin ngawpui hnuai êng deuh ruai chuan chhun hun a ni chho mek tih a hriat tir chauh tawh a.
.
          A theih ang anga ei theih niawma a rin rin a ei puar leh hram hnu chuan, a rilru chu ti paukhauh lehin chu ngawpui mak zet chu nge thui a kal theih chin tih fiah ngat tum chuan a kal leh ta ngat ngat a.
a beisei dan chuan, a kal a kal na na na chuan ngawpui duk thim zet chuan a tlin lo anga, khawi hmun emaw ngaw dang dai dar zawk a la chhuak tho tho dawn tih ringin a rilru a siam khauh viauva.
mahse, a beisei ang chu chumi ni nileng zaka a vah hnu pawh chuan thlen a hnekin a lut thim tulh tulha, khua a rawn thim leh mup lai phei chuan rim danglam zet zet leh thawm mak zet zet, lei nghawr deuh dur dur khawpa rum thawm ril ruih mai te a hre zui ta tlat mai a.
.
       Chung thawm mak zet zet chuan rei lovah an rawn hnaih thuaia, a meichherin a ên phak chin thuak thuakte ah chuan Keipui zê ṭial a thindip thleng dawn dawna lian an rawn inlar ta zuau zuau a!
chumai chu la nilo chuan, a Silai a lek vat vat tawh lai chuan a hma lam veilam hret aṭang chuan a meichher rawn su darh chuai khawpa chak chuan eng sà emaw hi a rawn dawk chhuak phuta, a hnung maiah chuan Keipui ṭhankin lian zetin chu sa chu a rawn bawh phei bian bian mai a!
thui an in um hma chuan Keipui chuan chu sa chu a man ta ngei tih hriat zetin, a hnung lam ral lawkah chuan Sa hliam ṭê rawng rawng thawm a hre zui ta a.
.
       Ni sarih a vahvaihna a ni ta!
a vahna ngawpui khawi lai pawh chu khua a chuan apiang chuan, tlang lian zet zet hring dum nghulh khawpa ngawpuiin a khuhin a rawn khawh zawm zel a, a beisei angin ngaw daidar hmun leh khaw hawi fuhna hmun tur awm reng reng chu Rafela chuan a chuang chhuak thei ta lo!
a khup hliam avang chuan a ni khat kal tlin tawk pawh a tawi telh telha, a dar hliam avanga a thaw lak sak ṭalh ṭhin te chuan a khua a ti sik ngun ta viau a.
mahse, dam khawchhuah sual Rafela chuan a tlu hlum a nih ngawt loh chuan a taksa chau chhe ṭan tawh chu a rilrua tlan khalh chu a la tum fat fat hle a.
chutia rilru khauh tlat na na na chu, ei tur a hmuh changa a ban lawk tih loh chu a tumna chuan a nawr kal zela, a bul vela Sa chi hrang hrang rawn inlar ṭhin te thâ chakna te chu a awt ṭan hle a.
.
        A bona ngawpui hnuaia ram chin hre tawh hauh lova a vah a chin ni sawmna chiah tlai lamah chuan, a hma lama kham sang zet kara tui rawn inkhawhthla var sung sung chu theihtawpa inti harh lui hram hram chunga a vah thlen hnu ah duhthawh zetin tui rawn khawh tawpnaa li fim zet fit sawm bial tur vela zaua tui tling puau chu a han dawt khalh khalh a, a dawt kham ta tihah chuan chu tui khawhthla li kam ngawpuiin a khuh thim mup hnuaia lungpherah chuan chau zetin a bawk ta hle hle a.
.
      Harh chhuak thei mang lovin chu lungpherah chuan a lo mu a ni tih hriat zetin, a bianga rawn sawi nawk nawk tu a en ṭawk ṭawk laia chu mihring aw' in hla tak aṭanga rawn au niawm taka, Mizo ṭawng dik nisi a hriat thiam chiah loh ṭawngkauchheh nen pawlh naka "vala harh teh khai, i chauh zulin a zui chek che a va ni mai awm em! a engti tih tiha hliam fulh nei chunga he lai laia i rawn inchhir luh tak mai" tia hla tak aṭanga a rawn au vau vau ri chu beng kiau vangvang chung chuan Rafela chuan a hre thei riai ruai a.
.
      Chu aw' a hriat ruai lai chua inthin harh a han tum ve sa teh a, a mit sulha a zawi leh nghal hnawk zel mai si!
mang hriat ruai chunga sawi harh tum tu tu emaw a melh leh hram hram lai chuan, beidawng hauh lovin tih harh a tum ngat ngat a ni tih hriat zetin tu emaw chuan a rawn ṭham leh nawk nawka, a sawi karlakah chuan reilote a kal sawn san deta "Aidenga pa, helaia hi khawi lam rammi e maw hliam chau tlu reng an awm e" tia a au vau vau thawm chu Rafela chuan chiang zetin a hre ta thut a.
.
         Ngawpui thim zet hnuaia a hma a ding mipathum, fit 5 lo liama dung sang an nilo vek ang tih tur, an tukkhuma sam zial tap mai leh an lua diar pawp hrip hrep vet ko bar, puan pangngai han tih dawna ni mang silo tawngchham lek lek hlui tawh zet zet pawp hniar seng sung veng ṭât leh kelawnga awm, an dara ip tereuhte bial hmim hmem Savun enge maw a siam tih hriat zet leh Seki hruaikhaua inthil âk ṭheuh, Silai a la hmuh ngai reng reng loh a cheng ki bar leh Chemtum han tih dawna ni chiah si lo, a zang kûl sei zen zawn chung lama ki bar mai lek far te hmel hmai hang mek mawk leh hriam ki bar te chu Rafela chuan mak ti em emin a en tlawk tlawk hlawm a.
.
        Chutia a melh kual chhen lai chuan, pakhat chuan a ip âh aṭang chuan e nge maw bawk lil lel a kuang khap chen vela sei sen uk dum deuh tliang hlerh hlawrh hi a rawn phawrh a, "Laikhupa pa, rammi a ni chek emaw a kheimit kha han dek teh khai" tih leh chu a thil rawn phawrh lu bawk laia thil dum inbeng vum tan a kutzungpuia hmeh chu a han rual hmak hmak a. chutia a hmeh pah chuan Til lang lek leka a bul lungpui chunga ṭhut chu a rawn rual sauh sauha, maute pakhat hi chu pa chuan a Chem chuan a met zui mial mial a.
.
         Rafela hmelah chuan chung mite khawsa zia chu a bo chiang hle tih a rawn lang chiang tulh tulha, an ṭawng lah chu a changin mizoṭawng a changin ṭawng mak tak tak a ni tih bak chu hre thiam hek lo le!
"ka awmna hi khawi lai nge ni pu te u"!? tia thâm chhâla a zawh lai te chuan, "chhaih khah khah! khûpa pa, eng thu emaw a rawn thlâh vei rauh ka ti a, a kheimit chu han dèk teh mah" tiin pakhat chu a rawn ṭawng puam leh ta ṭalh a.
.
       Chutia an inhnawn lai chuan, lungpui chunga mau met hauh hauh tu khan Rafela chu a maute mêh lai chuan a rawn hawlh dâ dâ a, chutia a rawn hawlh lai chuan a thil ken hmawr bawk khu hlat hlat chu Rafela chuan mak ti em emin a lo melh leh reng tawh a.
.
*****************
Ṭul ka ngah deuh avangin he Story hi duh anga regu in ak rawn dah thei lo fova. tunah erawh chuan ka hman ve leh ta a regu zawka dah kan tum dawn nia...blog link hi reader te'n kan awmna group, whatsapp, Fb leh Insta lamah te min lo share darh sak ve hram hram dawn nia..